CNA
തൃശൂര്‍:
പ്രേക്ഷകര്‍ക്ക് ഏറെ കൗതുകം നല്‍കുന്ന 'അബ്രഹാം ഓസ്‌ലര്‍' എന്ന സിനിമയുടെ ചിത്രീകരണം തൃശൂര്‍ മിഷന്‍ ക്വാര്‍ട്ടേഴ്‌സില്‍ ആരംഭിച്ചു.
മിഥുന്‍ മാനുവല്‍ തോമസാണ് ഈ ചിത്രം സംവിധാനം ചെയ്യുന്നത്.
ജയറാമാണ് ഈ ചിത്രത്തിലെ കേന്ദ്ര കഥാപാത്രമായ 'അബ്രഹാം ഓസ്‌ലര്‍' എന്ന കഥാപാത്രത്തെ അവതരിപ്പിക്കുന്നത്.
മലയാള സിനിമയില്‍ നിന്ന് അല്‍പ്പം അകന്ന് തമിഴിലും തെലുങ്കിലും സജീവ സാന്നിദ്ധ്യമായി നിലകൊളളുന്ന ജയറാം അതി ശക്തമായ ഒരു കഥാപാത്രത്തിലൂടെ മലയാളത്തില്‍ തന്റെ സാന്നിദ്ധ്യം ഉറപ്പിക്കുകയാണ് 'അബ്രഹാം ഓസ്‌ലര്‍' എന്ന കഥാപാതത്തിലൂടെ.
ഡി.സി.പി. അബ്രഹാം ഓസ്‌ലര്‍.
തികച്ചും ലളിതമായ ചടങ്ങില്‍ നിര്‍മ്മാതാവ് ഇര്‍ഷാദ് എം. ഹസ്സന്‍ സ്വീച്ചോണ്‍ കര്‍മം നിര്‍വഹിച്ചു കൊണ്ടാണ് ചിത്രീകരണം ആരംഭിച്ചത്. ശ്രീമതി നെസ് ല ഇര്‍ഷാദ് ഫസ്റ്റ് ക്ലാപ്പും നല്‍കി.
ജയറാം, മിഥുന്‍ മാനുവല്‍ തോമസ് തിരക്കഥാകൃത്ത്, ഡോക്ടര്‍ രണ്‍ധീര്‍ കൃഷ്ണന്‍, ഛായാഗ്രാഹകന്‍ തേനി ഈശ്വര്‍, ശ്രീമതി കലാ മോഹന്‍, എന്നിവര്‍ ചേര്‍ന്ന് ഭദ്രദീപം തെളിയിച്ചു.
ജയറാമും സായ്കുമാറും പങ്കെടുക്കുന്ന രംഗമായിരുന്നു ആദ്യം ചിത്രീകരിച്ചത്.
സമീപകാല മലയാള സിനിമയിലെ ഏറ്റവും മികച്ച ക്രൈം ത്രില്ലര്‍ സിനിമയായിരുന്നു 'അഞ്ചാം പാതിരാ'. അതിനു ശേഷം മിഥുന്‍ മാനുവല്‍ തോമസ് സംവിധാനം ചെയ്യുന്ന ചിത്രമെന്ന നിലയില്‍ ഈ ചിത്രത്തിന്റെ പ്രസക്തി ഏറെ വലുതാണ്.
മെഡിക്കല്‍ പശ്ചാത്തലത്തിലൂടെ ഒരുക്കുന്ന ഒരു ക്രൈം ത്രില്ലറാണ് ഈ ചിത്രം.
ഒരു മരണത്തിന്റെ അന്വേഷണമാണ് ഈ ചിത്രം. ഈ മരണത്തിന്റെ അന്വേഷണമാണ് ജില്ലാ പൊലീസ് കമ്മീഷണര്‍ അബ്രഹാം ഓസ്ലറിലൂടെ നടത്തുന്നത്.
ഏറെ ദുരുഹതകളും സസ്‌പെന്‍സുമൊക്കെ നിറഞ്ഞ ഒരു ഇന്‍വെസ്റ്റിഗേറ്റീവ് ത്രില്ലര്‍ ഒരു ക്രൈം ത്രില്ലറിന്റെ എല്ലാ ഉദ്വേഗവും നിലനിര്‍ത്തിയാണ് ഈ ചിത്രത്തിന്റെ അവതരണം.
മികച്ച ഒരു താര നിരതന്നെ ഈ ചിത്രത്തിലുണ്ട്.
അര്‍ജുന്‍ അശോകന്‍, ജഗദീഷ്, ദിലീഷ് പോത്തന്‍, അനശ്വരരാജന്‍, സെന്തില്‍ കൃഷ്ണ, അര്‍ജുന്‍ നന്ദകുമാര്‍, ആര്യ സലിം, അസീം ജമാല്‍ എന്നിവരും പ്രധാന താരങ്ങളാണ്.
ഡോ. രണ്‍ധീര്‍ കൃഷ്ണന്റേതാണ് തിരക്കഥ.
സംഗീതം- മിഥുന്‍ മുകുന്ദ്, ഛായാഗ്രഹണം- തേനി ഈശ്വര്‍, എഡിറ്റിംഗ്- സൈജു ശ്രീധര്‍, കലാസംവിധാനം- ഗോകുല്‍ദാസ്, മേക്കപ്പ്- റോണക്‌സ് സേവ്യര്‍, കോസ്റ്റ്യൂം ഡിസൈന്‍- അരുണ്‍ മനോഹര്‍, ക്രിയേറ്റീവ് ഡയറക്ടര്‍- പ്രിന്‍സ് ജോയ്, അസ്റ്റോസ്സിയേറ്റ് ഡയറക്ടേര്‍സ്- റോബിന്‍ വര്‍ഗീസ്, രജീഷ് വേലായുധന്‍.
എക്‌സിക്കുട്ടീവ് പ്രൊഡ്യൂസര്‍- ജോണ്‍ മന്ത്രിക്കല്‍, ലൈന്‍ പ്രൊഡ്യൂസര്‍- സുനില്‍ സിംഗ്, പ്രൊഡക്ഷന്‍ എക്‌സിക്കുട്ടീവ്- പ്രസാദ് നമ്പ്യാങ്കാവ്, പ്രൊഡക്ഷന്‍ കണ്‍ട്രോളര്‍- പ്രശാന്ത് നാരായണന്‍.
നേരമ്പോക്കിന്റെ ബാനറില്‍ ഇര്‍ഷാദ് എം. ഹസ്സനും മിഥുന്‍ മാനുവല്‍ തോമസ്സും ചേര്‍ന്നു നിര്‍മ്മിക്കുന്ന ഈ ചിത്രത്തിന്റെ ചിത്രീകരണം തൃശൂര്‍, പാലക്കാട്, കോയമ്പത്തൂര്‍, വയനാട് എന്നിവിടങ്ങളിലായി പൂര്‍ത്തിയാകും.
- വാഴൂര്‍ ജോസ്.
ഫോട്ടോ- സുഹൈബ്.
Online PR - CinemaNewsAgency.Com
