CNA
കൊച്ചി:
മലയാളം, തമിഴ്, കന്നഡ സിനിമ പോസ്റ്റുകളിലൂടെ ശ്രദ്ധ നേടിയ ആളാണ് അധിന് ഒളളൂര്.
തമിഴ് നാട്ടില് ട്രെന്ഡിങ് ആയ വെട്രി നായകനായി എത്തുന്ന 'മെമ്മറീസ്' എന്ന സിനിമയുടെ പോസ്റ്ററുകള് ഡിസൈന് ചെയ്തിരിക്കുന്നത് മലയാളിയായ യുവ ഡിസൈനര് അധിന് ഒളളൂര് ആണ്.
'ഖൊ ഖൊ', 'ഒരു താത്വിക അവലോകനം' തുടങ്ങിയ സിനിമയിലൂടെ ശ്രദ്ധേയമായ പോസ്റ്ററുകള് ഡിസൈന് ചെയ്താണ് അധിന് ഒളളൂര് പരസ്യ കലാ മേഖലയില് എത്തുന്നത്.
അഭിനേതാവായും അസോസിയേറ്റ് ഡയറക്ടറായും പ്രവര്ത്തി പരിചയമുള്ള അധിന്റെ ആദ്യമായി റിലീസിന് എത്തുന്ന തമില് ചിത്രമാണ് 'മെമ്മറീസ്'.
വിശാല് പുറത്തിറക്കിയ ടൈറ്റില് പോസ്റ്റര് മുതല് തമിഴ് സിനിമ ലോകം ഏറെ കൗതുകത്തോടെ നോക്കി നിന്ന പോസ്റ്ററുകള് ആയിരുന്നു ഈ ചിത്രത്തിന്റെത്. ചിത്രീകരണം ആരംഭിക്കാനിരിക്കുന്ന 'സന്നിധാനം പി ഒ' എന്ന പാന് ഇന്ത്യന് യോഗി ബാബു ചിത്രത്തിന്റെ പോസ്റ്ററുകളും അധിന് തന്നെ ആണ് ഡിസൈന് ചെയ്യുന്നത്.
ഷിജു തമീന്സ് ഫിലിം ഫാക്ടറിയുടെ ബാനറില് ഷിജു തമീന്സ് നിര്മ്മിച്ച് ശ്യാം പ്രവീണ് എന്നിവര് സംവിധാനം നിര്വ്വഹിച്ച ചിത്രം 'മെമ്മറീസ്' മാര്ച്ച് 10 ന് റിലീസിനൊരുങ്ങുന്നു.
'8 തോട്ടകള്', 'ജീവി', 'ജീവി 2' എന്നീ സിനികളിലൂടെ തമിഴ് സിനിമയില് എത്തിയ വെട്ട്രി ആണ് ഈ ചിത്രത്തില് നായകനായി എത്തുന്നത്.
ക്രൈം ത്രില്ലര് ഗണത്തില് പെടുന്ന ഈ ചിത്രത്തിന്റെ ടീസറിന് സോഷ്യല് മീഡിയയില് നല്ല പ്രചാരം കിട്ടിയിരുന്നു.
RNR മനോഹര്, ഹരീഷ് പേരടി, ഡയാന ഹമീദ്, പാര്വതി, സലീല് ദാസ് തുടങ്ങിയവരാണ് മറ്റ് പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്.
കിരണ് ന്യൂപിറ്റല്, ആര്മോ ഛായാഗ്രഹണം നിര്വ്വഹിച്ചിരിക്കുന്ന ചിത്രത്തിന്റെ ചിത്ര സംയോജനം സാന് ലോകേഷ് ആണ്. സംഗീതം ചെയ്തിരിക്കുന്നത് ഗവാസ്കര് അവിനാഷ്.
വേള്ഡ് വൈഡ് റിലീസിന് ഒരുങ്ങുന്ന ചിത്രം വിതരണം ചെയ്യുന്നത് പി വി ആര് പിക്ചേര്സ് ആണ്.