സി എന് എ-
കൊച്ചി:
ആന്റണി പെപ്പെയും അര്ജുന് അശോകനും കേന്ദ്ര കഥാപാത്രങ്ങളാകുന്ന 'അജഗജാന്തരം' മെയ് 28 ന് എത്തും.
'സ്വാതന്ത്ര്യം അര്ദ്ധരാത്രിയില്' എന്ന ചിത്രത്തിനുശേഷം ആന്റണി വര്ഗീസ് പെപ്പെയും ടിനു പാപ്പച്ചനും വീണ്ടുമൊന്നിക്കുന്ന പുതിയ ചിത്രമാണ് 'അജഗജാന്തരം'.
ചെമ്പന് വിനോദ് ജോസ്, ജാഫര് ഇടുക്കി, രാജേഷ് ശര്മ്മ, സബ് മോന്, ടിറ്റോ വില്സണ്, സുധി കോപ്പ, വിനീത് വിശ്വം, സിനോജ് വര്ഗീസ്, കിച്ചു ടെല്ലസ്, ലുക്മാന്, ശ്രീരഞ്ജിനി തുടങ്ങിവരും ചിത്രത്തില് പ്രധാനകഥാപാത്രങ്ങളെ അവതരിപ്പിക്കുന്നുണ്ട്.
ഉത്സവപ്പറമ്പിലേക്ക് ഒരു ആനയും പാപ്പാനും എത്തുന്നതും തുടര്ന്നവിടെ 24 മണിക്കൂറിനുള്ളില് നടക്കുന്ന ആകാംഷ നിറഞ്ഞ സംഭവങ്ങള് നര്മ്മത്തിന്റെ മേമ്പൊടിയോടെ ചിത്രത്തില് അവതരിപ്പിക്കുന്നു.
ആക്ഷന് രംഗങ്ങള്ക്ക് വളരെ പ്രാധാന്യം ഉള്ളതുകൊണ്ടുതന്നെ പെപ്പെയുടെ ആദ്യ ബിഗ് ബജറ്റ് ചിത്രം സില്വര് ബേ പ്രൊഡക്ഷസിന്റെ ബാനറില് ഇമ്മാനുവല് ജോസഫും അജിത് തലാപ്പിള്ളിയും ചേര്ന്ന് നിര്മ്മിക്കുന്നത്. ചിത്രത്തിന്റെ തിരക്കഥയൊരുക്കിയിരിക്കുന്നത് കിച്ചു ടെല്ലസും, വിനീത് വിശ്വവുമാണ്.
ഛായാഗ്രഹണം- ജിന്റോ ജോര്ജ്, എഡിറ്റര്- ഷമീര് മുഹമ്മദ്, സംഗീതം- ജസ്റ്റിന് വര്ഗീസ്, സൗണ്ട് ഡിസൈന്- രംഗനാഥ് രവി, ആര്ട്ട്- ഗോകുല് ദാസ്, വസത്രാലങ്കാരം- മഷര് ഹംസ, മേക്കപ്പ്- റോണക്സ് സേവ്യര്, സ്റ്റണ്ട്- സുപ്രീം സുന്ദര്, ചീഫ് അസോസിയേറ്റ് ഡയറക്ടര്- കണ്ണന് എസ് ഉള്ളൂര്, പ്രൊഡക്ഷന് കണ്ട്രോളര്- ബാദുഷ.