സി എന്‍ എ-
ഹൈദരാബാദ്:
അല്ലു അര്‍ജുന്‍ നായകനാകുന്ന 'പുഷ്പ' ഓഗസ്റ്റ്13 ന് റിലീസ് ചെയ്യും.
'ആര്യ', 'ആര്യ 2' എന്നീ സൂപ്പര്‍ഹിറ്റ് ചിത്രങ്ങള്‍ക്ക് ശേഷം അല്ലു അര്‍ജുന്‍നെ നായകനാക്കി സുകുമാര്‍ സംവിധാനം ചെയ്യുന്ന ചിത്രമാണ് 'പുഷ്പ'. രശ്മി മന്ദന ആണ് നായിക.
വമ്പന്‍ ആക്ഷന്‍ ചിത്രമെന്നു വിശേഷിപ്പിക്കപ്പെടുന്ന 'പുഷ്പ'യില്‍ ഇതുവരെ കാണാത്ത പുതിയൊരു ഗെറ്റപ്പിലാണ് അല്ലു അര്‍ജുന്‍ പ്രത്യക്ഷപ്പെടുന്നതെന്ന് നേരത്തെ വാര്‍ത്തകളുണ്ടായിരുന്നു.
മൈത്രി മൂവി മേക്കേഴ്‌സിന്റെ ബാനറില്‍ വൈ. നവീനും വൈ. രവി ശങ്കറും ചേര്‍ന്നാണ് പുഷ്പ നിര്‍മിക്കുന്നത്. 'രംഗസ്ഥലം' എന്ന ചിത്രത്തിനു ശേഷം സുകുമാര്‍ മൈത്രി മൂവി മേക്കേഴ്‌സിനു വേണ്ടി ഒരുങ്ങുന്ന രണ്ടാമത്തെ ചിത്രമാണിത്.
ചിത്രത്തില്‍ പ്രകാശ് രാജ്, സുനില്‍, ഹരീഷ് ഉത്തമന്‍ എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. തെലുങ്ക്, തമിഴ്, കന്നഡ, മലയാളം, ഹിന്ദി എന്നിങ്ങനെ അഞ്ച് ഭാഷകളില്‍ ചിത്രം റിലീസിനെത്തും. സംഗീതം- ദേവി ശ്രീ പ്രസാദ്. തെലുങ്ക് റിലീസിന്റെ അന്ന് തന്നെ കന്നഡ ഭാഷയിലും റിലീസ് ചെയ്യപ്പെടുന്ന ആദ്യ അല്ലു അര്‍ജുന്‍ ചിത്രമാകും 'പുഷ്പ'.
ചിത്രത്തില്‍ കിടിലന്‍ ഡാന്‍സ് നമ്പരുമായി ബോളിവുഡില്‍ ശ്രദ്ധേയയായ നടി ശ്രദ്ധ കപൂരും എത്തും.
വിജയ് സേതുപതിയും സിനിമയില്‍ ഒരു പ്രധാന കഥാപാത്രത്തെ അവതരിപ്പിക്കുന്നുണ്ടെന്നും ഇതുകൂടാതെ ബോളിവുഡ് നടന്‍ സുനില്‍ ഷെട്ടിയാണ് സിനിമയില്‍ വില്ലന്‍ വേഷത്തില്‍ എത്തുന്നതെന്നും സൂചനയുണ്ട്.
