Editor- MM Kamath
കൊച്ചി:
നീണ്ട 12 വര്ഷത്തെ ഇടവേളക്കു ശേഷം മോഹന്ലാല് ഷാജി കൈലാസ് ഒന്നിക്കുന്ന 'എലോണ്' എന്ന ചിത്രം കഴിഞ്ഞ ദിവസം പാക്കപ്പായി.
18 ദിവസമെന്ന റെക്കോര്ഡ് വേഗത്തിലാണ് ഷാജി കൈലാസ് ചിത്രീകരണം പൂര്ത്തിയാക്കിയത്. ഈ മാസം അഞ്ചിനാണ് ചിത്രത്തിന്റെ ടൈറ്റില് പ്രഖ്യാപിക്കപ്പെട്ടത്. സിനിമ കൃത്യമായ ആസൂത്രണത്തോടെ പൂര്ത്തിയാക്കാന് ഒപ്പം നിന്നവര്ക്ക് സോഷ്യല് മീഡിയയിലൂടെ ഷാജി കൈലാസ് നന്ദി അറിയിച്ചു.
''ഇന്ന് പതിനെട്ടാം ദിവസം..
Alone പാക്കപ്പായി..
കൃത്യമായ ആസൂത്രണത്തോടെയും കഠിനാധ്വാനത്തോടെയും എത്രയും ഭംഗിയായി ചിത്രത്തിന്റെ ഷൂട്ടിംഗ് പൂര്ത്തീകരിക്കുവാന് എന്നോടൊപ്പം പ്രയത്നിച്ച എന്റെ പ്രിയപ്പെട്ട സഹപ്രവര്ത്തകര്ക്കും കരുതലോടെ കൂടെ നിന്ന എനിക്കേറ്റവും പ്രിയപ്പെട്ട ലാല്ജിക്കും എല്ലാത്തിനും അമരക്കാരനായി നിലകൊണ്ട ആന്റണി പെരുമ്പാവൂരിനും പ്രത്യേകം നന്ദി..
എല്ലാറ്റിനുമുപരി എപ്പോഴും സ്നേഹവും പ്രതീക്ഷയും നല്കുന്ന എന്റെ പ്രിയപ്പെട്ട സിനിമ ആസ്വാദകര്ക്ക് ഒത്തിരിയൊത്തിരി നന്ദി...'' എന്ന് ഷാജി കൈലാസ് തന്റെ ഫേസ്ബുക്ക് പേജിലൂടെ അറിയിച്ചു.
ആശീര്വാദ് സിനിമാസിന്റെ ബാനറില് ആന്റണി പെരുമ്പാവൂര് നിര്മ്മിക്കുന്ന 30ാം ചിത്രമാണിത്.
ചിത്രത്തിന്റെ തിരക്കഥ എഴുതിയിരിക്കുന്നത് രാജേഷ് ജയറാം ആണ്.
ഛായാഗ്രഹണം- അഭിനന്ദന് രാമാനുജം, എഡിറ്റിംഗ്- ഡോണ് മാക്സ്, പ്രൊഡക്ഷന് ഡിസൈനര്- സന്തോഷ് രാമന്, സംഗീതം- ജേക്സ് ബിജോയ്, ചീഫ് പ്രൊഡക്ഷന് കണ്ട്രോളര്- സിദ്ധു പനയ്ക്കല്, മേക്കപ്പ്- ലിജു പനംകോഡ്, ബിജീഷ് ബാലകൃഷ്ണന്, വസ്ത്രാലങ്കാരം- മുരളി, ചീഫ് അസോസിയേറ്റ് ഡയറക്ടര്- മനീഷ് ഭാര്ഗവന്, സ്റ്റില്സ്- അനീഷ് ഉപാസന.
2009ല് പുറത്തെത്തിയ ക്രൈം ത്രില്ലര് ചിത്രം 'റെഡ് ചില്ലീസി'നു ശേഷം മോഹന്ലാല് നായകനാവുന്ന ഷാജി കൈലാസ് ചിത്രമാണ് ഇത്.
ഷാജി കൈലാസ് സംവിധാനം ചെയ്ത 'ടൈം', 'സൗണ്ട് ഓഫ് ബൂട്ട്', 'മദിരാശി', 'ജിഞ്ചര്' എന്നീ സിനിമകള്ക്ക് രചന നിര്വ്വഹിച്ച രാജേഷ് ജയരാമനാണ് തിരക്കഥ ഒരുക്കുന്നത്.
'ദി ടൈഗര്', 'ബാബ കല്യാണി', 'ടൈം', 'അലി ഭായ്', 'ദ്രോണ 2010', 'സിംഹാസനം', 'മദിരാശി' എന്നീ ഷാജീ കൈലാസ് ചിത്രങ്ങളുടെ എഡിറ്ററായിരുന്ന ഡോണ്മാക്സ് തന്നെയാണ് ഈ ചിത്രവും എഡിറ്റ് ചെയ്യുന്നത്.
എട്ട് വര്ഷത്തെ ഇടവേളയ്ക്കു ശേഷം ഷാജി കൈലാസ് മലയാള ചലചിത്ര സംവിധാന രംഗത്തേക്ക് തിരിച്ചെത്തുന്ന ചിത്രം എന്ന പ്രത്യേകതയും 'എലോണ്' എന്ന ഈ സിനിമയ്ക്കുണ്ട്.
ഹെയര്സ്റ്റൈലിന്റെ കാര്യത്തിലും വസ്ത്രധാരണത്തിലുമൊക്കെ സമീപകാല ചിത്രങ്ങളില് നിന്ന് വ്യത്യസ്ത ഗെറ്റപ്പിലായിരിക്കും മോഹന്ലാല് ഈ ചിത്രത്തില് എത്തുന്നത്.
Online PR - CinemaNewsAgency.Com