CNA
കൊച്ചി:
ഈസ്റ്റ് കോസ്റ്റ് കമ്മ്യൂണിക്കേഷന്സിന്റെ ബാനറില് ഈസ്റ്റ് കോസ്റ്റ് വിജയന് തിരക്കഥയുമെഴുതി സംവിധാനം ചെയ്യുന്ന പുതിയ സിനിമയുടെ പൂജ, സ്വിച്ചോണ് കര്മ്മം ഇടപ്പള്ളി ശ്രീ അഞ്ചുമന ദേവി ക്ഷേത്രാങ്കണത്തില് വെച്ച് നിര്വ്വഹിച്ചു.
കുടുംബ പ്രേക്ഷകരുടെ ഇഷ്ടനടനായ അമിത് ചക്കാലക്കല് നായകനാകുന്ന ഈ ചിത്രത്തില് 'കള്ളനും ഭഗവതിയും' എന്ന ചിത്രത്തില് ദേവിയായി വിസ്മയിപ്പിച്ച ബംഗാളി താരം മോക്ഷ, അനുശ്രീ എന്നിവര് പ്രധാന കഥാപാത്രത്തെ അവതരിപ്പിക്കുന്നു.
മലയാളത്തിലെ മുന് നിര താരങ്ങള്ക്കൊപ്പം പുതുമുഖങ്ങളും അഭിനയിക്കുന്ന ഈ ചിത്രം ഒരു ഹൊറര് ഫാമിലി ഇമോഷണല് ത്രില്ലറാണ്.
ഈസ്റ്റ് കോസ്റ്റ് നിര്മ്മിക്കുന്ന ഏഴാമത്തെ സിനിമ കൂടിയാണിത്.
'കള്ളനും ഭഗവതിയും' എന്ന ഹിറ്റ് ചിത്രത്തിനു ശേഷം ഈസ്റ്റ് കോസ്റ്റ് വിജയന് തിരക്കഥയും, സംഭാഷണവുമൊരുക്കുന്ന ഈ ചിത്രത്തിന്റെ കഥ കെ വി അനിലിന്റേതാണ്.
'കള്ളനും ഭഗവതിയും' ടീം വീണ്ടും ഒന്നിക്കുന്നു എന്നതാണ് മറ്റൊരു പ്രത്യേകത.
രതീഷ് റാം ഛായാഗ്രഹണം നിര്വഹിക്കുന്നു. സംഗീതം- രഞ്ജിന് രാജ്, എഡിറ്റര്- ജോണ്കുട്ടി, കല- സുജിത് രാഘവ്, മേക്കപ്പ്- രഞ്ജിത് അമ്പാടി, വസ്ത്രാലങ്കാരം- ധന്യ ബാലകൃഷ്ണന്, ചീഫ് അസോസിയേറ്റ് ഡയറക്ടര്- സുഭാഷ് ഇളമ്പല്, അസോസിയേറ്റ് ഡയറക്ടര്സ്- അലക്സ് ആയൂര്, അസിം കോട്ടൂര്, അനൂപ് അരവിന്ദന്, സ്റ്റില്സ്- അജി മസ്കറ്റ്, പി ആര് ഒ- എ എസ് ദിനേശ്.
Online PR - CinemaNewsAgency.Com