CNA
ബഹറിന്:
ബഹറിന് മീഡിയസിറ്റി ഫിലിം പ്രൊഡക്ഷന്റെ (BMC) പ്രഥമ സംരഭമായ 'അനക്ക് എന്തിന്റെ കേടാ' എന്ന സിനിമയുടെ ടൈറ്റില് ലോഞ്ചിങ്ങ് ബഹറനില് വെച്ച് നടന്നു.
പ്രശസ്ത സിനിമാ സീരിയല് നാടക നടനുമായ ശിവജി ഗുരുവായൂര്, ബഹറിന് മീഡിയ സിറ്റി ചെയര്മാനും, സിനിമയുടെ എക്സിക്യൂട്ടീവ് പ്രൊഡ്യൂസറുമായ ഫ്രാന്സിസ് കൈതാരത്ത്, സിനിമയുടെ തിരക്കഥാകൃത്തും സംവിധായകനുമായ ഷമീര് ഭരതന്നൂര്, ബിഎംസി ഫിലിം സൊസൈറ്റി പ്രോജക്റ്റ് ഡയറക്ടറായ പ്രകാശ് വടകര, ജയ മേനോന്, ശ്രാവണ മഹോത്സവ കമ്മിറ്റി ചെയര്മാന് ഡോ. പി വി ചെറിയാന്, ഫിലിം സൊസൈറ്റി കോര്ഡിനെറ്റര് അന്വര് നിലമ്പൂര് എന്നിവര് ടൈറ്റില് പ്രഖ്യാപന ചടങ്ങില് പങ്കെടുത്തു.
മലയാള സിനിമയിലെ പ്രമുഖ താരങ്ങള്ക്കൊപ്പം ബഹറനില്നിന്നുള്ള പുതുമുഖ താരങ്ങളും ഈ സിനിമയില് അഭിനയിക്കുന്നുണ്ട്.
കിംസ് ഹോസ്പിറ്റല് സിഇഒ താരിഖ് നജീബ്, ഇന്ത്യന് ക്ലബ് പ്രസിഡന്റ് കെ എം ചെറിയാന് എന്നിവര് ആശംസകള് നേര്ന്നു. ചടങ്ങില് ചലച്ചിത്ര കലാ സാംസ്കാരിക രംഗത്തെ പ്രമുഖരും പങ്കെടുത്തു.
പി ആര് ഒ- എ എസ് ദിനേശ്.
Online PR - CinemaNewsAgency.Com