CNA
കൊച്ചി:
ഷാഫി സംവിധാനം ചെയ്യുന്ന 'ആനന്ദം പരമാനന്ദം' എന്ന ചിത്രത്തിന്റെ ടൈറ്റില്‍ പ്രകാശനം മെഗാസ്റ്റാര്‍ മമ്മൂട്ടി നിര്‍വ്വഹിച്ചു.
സിന്ധുരാജിന്റെ തിരക്കഥയില്‍ ഒരുങ്ങുന്ന ക്ലീന്‍ ഫാമിലി ഹ്യൂമര്‍ എന്റെര്‍ടൈനറാണ് ഈ ചിത്രം.
സപ്തതരംഗ് ക്രിയേഷന്‍സിന്റെ ബാനറില്‍ ഒ.പി. ഉണ്ണികൃഷ്ണന്‍, സന്തോഷ് വള്ളക്കാലില്‍, പി.എസ്.പ്രേമാനന്ദന്‍, ജയ ഗോപാല്‍, കെ.മധു എന്നിവരാണ് ഈ ചിത്രം നിര്‍മ്മിക്കുന്നത്.
ഇന്ദ്രന്‍സും ഷറഫുദ്ദീനും കേന്ദ്ര കഥാപാത്രങ്ങളെ അവതരിപ്പിക്കുന്ന ഈ ചിത്രത്തില്‍ അനഘനാരായണന്‍ (തിങ്കളാഴ്ച്ച നിശ്ചയം ഫെയിം) നായികയാകുന്നു.
അജു വര്‍ഗീസും ബൈജു സന്തോഷും മറ്റു രണ്ടു പ്രധാന കഥാപാത്രങ്ങളെ അവതരിപ്പിക്കുന്നു.
ഗോവിന്ദ് പൈ ('പറവ' ഫെയിം), സാമിഖ്, കൃഷ്ണചന്ദ്രന്‍, വനിത കൃഷ്ണചന്ദ്രന്‍, നിഷാ സാരംഗ്, എന്നിവരും ഈ ചിത്രത്തിലെ പ്രധാന താരങ്ങളാണ്.
മനു മഞ്ജിത്തിന്റെ വരികള്‍ക്ക് ഈണം പകര്‍ന്നിരിക്കുന്നത് ഷാന്‍ റഹ്‌മാനാണ്.
മനോജ് പിള്ളയാണ് ഛായാഗ്രാഹകന്‍.
എഡിറ്റിംഗ്- വി .സാജന്‍, കലാസംവിധാനം- അര്‍ക്കന്‍, മേക്കപ്പ് പട്ടണം- റഷീദ്, കോസ്റ്റ്യൂം ഡിസൈന്‍- സമീറാ സനീഷ്, ചീഫ് അസ്സോസ്സിയേറ്റ് ഡയറക്ടര്‍- റിയാസ്, അസ്സോസ്സിയേറ്റ് ഡയറക്ടര്‍- രാജീവ് ഷെട്ടി, പ്രൊഡക്ഷന് മാനേജേഴ്‌സ്- ശരത്, അന്ന.
പ്രൊഡക്ഷന് എക്‌സിക്കുട്ടീവ്- ബാബുരാജ് മനിശ്ശേരി, പ്രൊഡക്ഷന് കണ്ട്രോളര്- ഡിക്‌സന്‍പൊടുത്താസ്.
കൊല്ലങ്കോടും പരിസരങ്ങളിലുമായി ചിത്രീകരണം പൂര്‍ത്തിയാകുന്ന ഈ ചിത്രം സപ്ത തരംഗ് റിലീസ് പ്രദര്‍ശനത്തിനെത്തിക്കുന്നു.
- വാഴൂര്‍ ജോസ്.
Online PR - CinemaNewsAgency.Com
