സി എന്‍ എ-
ചെന്നൈ:
ഡിസംബര്‍ മാസത്തില്‍ ഹൈദരബാദ് റാമോജി ഫിലിംസിറ്റിയില്‍ ഷൂട്ടിംഗ് നടന്നുകൊണ്ടിരിക്കെ ക്രൂ അംഗങ്ങള്‍ക്ക് കോവിഡ് സ്ഥിരീകരിച്ചതിനെ തുടര്‍ന്ന് 'അണ്ണാത്തെ'യുടെ ചിത്രീകരണം നിര്‍ത്തിവച്ചിരുന്നു. ശിവ സംവിധാനം ചെയ്യുന്ന 'അണ്ണാത്തേ'യുടെ ചിത്രീകരണം ഡിസംബര്‍ 14 നാണ് ഹൈദരാബാദില്‍ ആരംഭിച്ചത്.
'പടയപ്പ', 'അരുണാചലം' തുടങ്ങിയ സിനിമകളില്‍ കണ്ടുപരിചയിച്ച രജനികാന്തിനെ ഒരിക്കല്‍ക്കൂടി കാണാനുള്ള അവസരം കൂടിയാണ് ഈ സിനിമയെന്ന് അണിയറ പ്രവര്‍ത്തകര്‍ പറയുന്നു.
എ.ആര്‍. മുരുഗദോസ് സംവിധാനം ചെയ്ത 'ദര്‍ബാര്‍' എന്ന ചിത്രത്തിലാണ് രജനികാന്ത് ഏറ്റവും ഒടുവിലായി നായകവേഷം ചെയ്തത്.
ദര്‍ബാറിന് ശേഷം രജനികാന്ത് നയന്‍താര ജോഡി വീണ്ടും ഒന്നിക്കുന്ന സിനിമയെന്ന പ്രത്യേകതയും 'അണ്ണാത്തെ'ക്കുണ്ട്.
തമിഴിലെ പ്രശസ്ത നിര്‍മ്മാണ കമ്പനിയായ സണ്‍ പിക്‌ചേഴ്‌സ് നിര്‍മ്മിക്കുന്ന സിനിമയില്‍ ഖുശ്ബു, മീന, കീര്‍ത്തി സുരേഷ്, പ്രകാശ് രാജ്, സൂരി എന്നിവരാണ് പ്രധാന അഭിനേതാക്കള്‍.
