എംഎം കമ്മത്ത്
കൊച്ചി:
സിനിമ തിയറ്ററില്ലാത്ത ലക്ഷദ്വീപിലെ അമിനി എന്ന കൊച്ച് ദ്വീപില് ചരിതത്തില് ആദ്യമായി ഒരു കൊച്ചു സിനിമ ചിത്രീകരിച്ച് പ്രദര്ശിപ്പിച്ചു.
ഒരു സിനിമ തിയ്യേറ്ററിന് സമാനമായ രീതിയില് 'ബര്ക്കത്ത് ഭവനില് താല്ക്കാലികമായ ഒരു സിനിമ തിയ്യേറ്റര് നിര്മ്മിച്ചായിരുന്നു സിനിമ പ്രദര്ശനം.
അമിനി ദ്വീപില് തന്നെ പൂര്ണ്ണമായും ചിത്രീകരിച്ച 'അപ്പലും മലഞ്ഞിയും' (നീരാളിയും കടല്പാമ്പും) എന്ന ഹ്രസ്വ ചിത്രമാണ് പ്രദര്ശിപ്പിച്ചത്.
'ബര്ക്കത്ത് ഭവനില് ദിവസങ്ങളോളം വിജയകരമായി 'അപ്പലും മലഞ്ഞിയും' പ്രദര്ശിപ്പിച്ചു.
അമിനി ദ്വീപില് നടക്കുന്ന ഒരു ക്രിക്കറ്റ് ടൂര്ണ്ണമെന്റാണ് സിനിമയുടെ കഥാ പശ്ചാത്തലം.
സിനിമയുടെ ഭൂരിഭാഗവും ചിത്രീകരിച്ചിരിക്കുന്നത് മൊബൈല് ഫോണ് ക്യാമറയിലാണ് എന്ന പ്രതേകതയും 'അപ്പലും മലഞ്ഞിയും'ക്കുമുണ്ട്.
മലയാള സബ്ടൈറ്റിലോടെ ലക്ഷദ്വീപിന്റെ സംസാരഭാഷയിലാണ് സിനിമ.
'സ്വപ്നങ്ങള്ക്ക് പുറകെ പറന്നുയരാന് ശ്രമിച്ചു ചിറകു കരിഞ്ഞ് അറബിക്കടലിന്റെ അഗാധതയില് ആണ്ടുപോയ അനവധി നിരവധി പ്രതിഭകളുടെ ഓര്മ്മകള്ക്ക് മുന്പില് ഈ കൊച്ചു ചിത്രം സമര്പ്പിക്കുന്നു' എന്ന് പറഞ്ഞാണ് ചിത്രം ആരംഭിക്കുന്നത്.
ചിത്രത്തിന്റെ തിരക്കഥയും സംവിധാനവും നിവ്വഹിച്ചിരിക്കുന്നത് അവ്രി റഹ്മാനാണ്.
ലക്ഷദ്വീപിലെ കലാകാരനന്മാരേയും, സാങ്കേതിക വിധഗ്ദരേയും ഉള്കൊള്ളിച്ചുകൊണ്ട് 'തെക്കന് തനിമ അമിനി'യുടെ ബാനറില് ലഗൂണ് പിക്സല്സിന്റെ സഹകരണത്തോടെ മുഹമ്മദ് സാജിദ് ചിത്രം നിര്മ്മിച്ചിരിക്കുന്നത്.
മൂസ, ജലീല് കിളിച്ചോട, അവ്രി റഹ്മാന്, നിയാസ് ഖാന്, സാജിദ് തുടങ്ങിയവരാണ് കേന്ദ്ര കഥാപാത്രങ്ങളെ അവതരിപ്പിച്ചിരിക്കുന്നത്.
ലക്ഷദ്വീപ് വ്ളോഗര് യൂട്യൂബ് ചാനലിലൂടെയാണ് 'അപ്പലും മലഞ്ഞിയും' ഓണ്ലൈനായി റിലീസ് ചെയ്തത്. ക്യാമറ- മുഹമ്മദ് സ്വാദക്, എഡിറ്റിങ്ങ്- കാസിം ബി സി, ആക്ഷന്- മുഹമ്മദ് സ്വാദക്.