CNA
കൊച്ചി:
സൂരാജ് വെഞ്ഞാറമൂട്, ആന് അഗസ്റ്റിന് എന്നിവരെ കേന്ദ്ര കഥാപാത്രങ്ങളാക്കി ഹരികുമാര് സംവിധാനം ചെയ്യുന്ന 'ഓട്ടോ റിക്ഷക്കാരന്റെ ഭാര്യ' എന്ന ചിത്രത്തിന്റെ ഒഫീഷ്യല് ട്രെയിലര് പുറത്തിറങ്ങി.
ഒക്ടോബര് ഇരുപത്തിയെട്ടിന് 'ഓട്ടോ റിക്ഷക്കാരന്റെ ഭാര്യ' പ്രദര്ശനത്തിനെത്തുന്നു.
പ്രശസ്ത എഴുത്തുകാരന് എം മുകുന്ദന് ആദ്യമായി തിരക്കഥ എഴുതുന്ന ചിത്രം കൂടിയാണ് 'ഓട്ടോ റിക്ഷക്കാരന്റെ ഭാര്യ'.
എം മുകുന്ദന്റെ തന്നെ പ്രശസ്ത നോവലായ 'ഓട്ടോ റിക്ഷാക്കരന്റെ ഭാര്യ' എന്ന കഥയുടെ ദൃശ്യാവിഷ്ക്കാരമായ ഈ ചിത്രത്തില് കൈലാഷ്, ജനാര്ദ്ദനന്, സ്വാസിക വിജയ്, ദേവി അജിത്, നീനാ കുറുപ്പ്, മനോഹരി ജോയി, ബേബി അലൈന ഫിദല് തുടങ്ങിയവരും അഭിനയിക്കുന്നു.
ബെന്സി പ്രൊഡക്ഷന്സിന്റെ ബാനറില് കെ.വി അബ്ദുല് നാസര്, ബേനസീര് എന്നിവര് ചേര്ന്ന് നിര്മ്മിക്കുന്ന ഈ ചിത്രത്തിന്റെ ഛായാഗ്രഹണം എന് അഴകപ്പന് നിര്വ്വഹിക്കുന്നു.
പ്രഭാവര്മ്മയുടെ വരികള്ക്ക് ഔസേപ്പച്ചന് ആണ് സംഗീതം പകരുന്നത്. എഡിറ്റര്- അയൂബ് ഖാന്, പ്രൊഡക്ഷന് കണ്ട്രോളര്- ഷാജി പട്ടിക്കര, കല- ത്യാഗു തവനൂര്, മേക്കപ്പ്- റഹീം കൊടുങ്ങല്ലൂര്, വസ്ത്രാലങ്കാരം- നിസാര് റഹ്മത്ത്, സ്റ്റില്സ്- അനില് പേരാമ്പ്ര, പരസ്യക്കല- ആന്റണി സ്റ്റീഫന്, ചീഫ് അസോസിയേറ്റ് ഡയറക്ടര്- ജയേഷ് മൈനാഗപ്പള്ളി, അസോസിയേറ്റ് ഡയറക്ടര്- ഗീതാഞ്ജലി ഹരികുമാര്, പ്രൊഡക്ഷന് എക്സിക്യൂട്ടീവ്- നസീര് കൂത്തുപറമ്പ്, പ്രൊഡക്ഷന് മാനേജര്- വിബിന് മാത്യു പുനലൂര്, റാഷിദ് ആനപ്പടി, പി ആര് ഒ- എ എസ് ദിനേശ്.
Online PR - CinemaNewsAgency.Com