CNA
ചെന്നൈ:
ജി.വി. പ്രകാശ് കുമാര്‍ നായകനാവുന്ന 'അയങ്കരന്‍' മെയ് 12 ന് പ്രദര്‍ശനത്തിനെത്തുന്നു.
കഴിഞ്ഞ ദിവസം മാധ്യമങ്ങള്‍ക്കും സെലിബ്രിറ്റികള്‍ക്കും വേണ്ടി ചെന്നൈയില്‍ നടത്തിയ പ്രീമിയര്‍ ഷോ കണ്ടവര്‍ മികച്ച അഭിപ്രായമാണ് ചിത്രത്തെ കുറിച്ച് രേഖപ്പെടുത്തിയത്.
തീയറ്ററില്‍ എത്തും മുമ്പേ തന്നെ നിരൂപകരുടെയും ധനുഷ് ഉള്‍പ്പെടെയുളള സെലിബ്രിറ്റികളുടേയും പ്രശംസയും നേടിയ 'അയങ്കരന്‍' തന്റെ അഭിനയ ജീവിതത്തില്‍ വലിയൊരു നാഴികക്കല്ലായി തീരും എന്ന ആത്മവിശ്വാസമാണ് ജി.വി.പ്രകാശിന്.
'ഈട്ടി' എന്ന ഹിറ്റ് സിനിമ അണിയിച്ചൊരുക്കി ശ്രദ്ധേയനായ രവി അരസുവാണ് അയങ്കരന്റെ രചയിതാവും സംവിധായകനും.
സമകാലീന രാഷ്ട്രീയ സംഭവങ്ങള്‍ കോര്‍ത്തിണക്കിയ സയന്‍സ് പശ്ചാത്തലത്തിലുള്ള ആക്ഷന്‍ ത്രില്ലര്‍ ചിത്രമാണിത്.
മലയാളിയായ മഹിമാ നമ്പ്യാരാണ് നായിക. ഹരീഷ് പേരടി, രവീണാ രവി, സിദ്ധാര്‍ഥ് ശങ്കര്‍, യോഗി ബാബു, കാളി വെങ്കട്ട്, ആടുകളം നരേന്‍, മയില്‍സാമി എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.
കോമണ്‍ മാന്‍ ഫിലിം നിര്‍മ്മിച്ച 'അയങ്കരന്‍' സില്‍വര്‍ സ്‌ക്രീന്‍ മുരളി കേരളത്തില്‍ റിലീസ് ചെയ്യും.
പി ആര്‍ ഒ- സി.കെ.അജയ് കുമാര്‍.
Online PR - CinemaNewsAgency.Com
