CNA
കൊച്ചി:
ജാതിയും മതവും നോക്കി മനുഷ്യരെ ഭിന്നിപ്പിച്ച് കലാപത്തിന്റെ വാതില് തുറക്കുന്നവര്ക്കെതിരെയുള്ള ശക്തമായ സന്ദേശവുമായി ഫസ്റ്റ് ഷോസില് പ്രദര്ശനം തുടരുന്ന 'ബി.അബു' (B. Abu) എന്ന ചിത്രം പ്രേക്ഷകപ്രീതിയാര്ജ്ജിക്കുന്നു.
ഖത്തറിലെ മലയാളി കലാകാരന്മാര്, രണ്ട് മണിക്കൂറിലേറെ ദൈര്ഘ്യമുള്ള ഈ സിനിമ ചിത്രീകരിച്ചിരിക്കുന്നത് സ്മാര്ട്ട് ഫോണിലാണ്.
പൂര്ണ്ണമായും ഖത്തറിലായിരുന്നു ചിത്രീകരണം.
കുത്തുണ്ടങ്കില് ബി.അബുവെന്നും അല്ലെങ്കില് ബാബുവെന്നും വായിക്കുമ്പോള് ഉണ്ടാകുന്ന അകലമാണ് ചിത്രത്തിന്റെ ഇതിവൃത്തം.
ബാബുവിന്റെയും അബുവിന്റെയും സ്നേഹത്തിന്റെയും സൗഹൃദത്തിന്റെയും കഥ പറയുന്ന ചിത്രം കൂടിയാണ് ബി.അബു. പേരിനിടയിലെ കുത്ത് പോലും വ്യക്തികള് തമ്മിലുള്ള അകലം കൂട്ടുന്ന വര്ത്തമാനകാല കാഴ്ച്ചകളിലേക്കാണ് മൊബൈല് ക്യാമറ തിരിയുന്നത്.
4K റിസൊല്യുഷനില് ചിത്രീകരിച്ച സിനിമയില് അന്വര് ബാബുവും ആഷിക് മാഹിയുമാണ് കേന്ദ്ര കഥാപാത്രങ്ങളെ അവതരിപ്പിക്കുന്നത്.
ബാനര്- വണ് ടു വണ് മീഡിയ, കഥ, തിരക്കഥ, സംഭാഷണം, ഛായാഗ്രഹണം, സംവിധാനം- സുബൈര് മാടായി, നിര്മ്മാണം- മന്സൂര് അലി, എഡിറ്റിംഗ്- ഷമീല് ഏ.ജെ, അസ്സോസിയേറ്റ് ഡയറക്ടര്- അന്വര് ബാബു, പശ്ചാത്തല സംഗീതം, സൗണ്ട് മിക്സിംഗ്- മനോജ് മേലോടന്, ബിനു റിഥം സ്വസ്തി, സോംഗ് പ്രോഗ്രാമിംഗ് & മിക്സിംഗ്- ജോഷി പുന്നയൂര്ക്കുളം, ആലാപനം- മുഹമ്മദ് തോയിബ്, അസിം സുബൈര്, ഗിരീഷ, ജ്യോതിഷ എസ് പിള്ള, പ്രൊഡക്ഷന് കണ്ട്രോളര്- ഫയസ് റഹ്മാന്, കല- മഹേഷ്കുമാര്, ചമയം- ദിനേശ്, ഗ്രീഷ്മ, സംവിധാന സഹായികള്- ആരിഫ സുബൈര്, രശ്മി ശരത്, ദീപ്തി രൂപേഷ്, പ്രൊഡക്ഷന് മാനേജര്- ശരത് സി നായര്, സാങ്കേതിക സഹായം- റഷീദ് പുതുക്കുടി, ഹാഷിം വടകര, സ്റ്റില്സ് & പോസ്റ്റേഴ്സ്- ഫര്ഹാസ് മുഹമ്മദ്, മാര്ക്കറ്റിംഗ്- അസിം കോട്ടൂര്, പി ആര് ഒ- അജയ് തുണ്ടത്തില്.
Online PR - CinemaNewsAgency.Com