അഞ്ജു അഷറഫ്-
കടുത്തുരുത്തി:
ഫ്‌ളവേഴ്‌സ് ടോപ് സിംഗറില്‍ ആടിയും പാടിയും അരങ്ങു നിറഞ്ഞ് കുടുംബ പ്രേക്ഷകരുടെ മനംകവര്‍ന്ന ബേബി അനന്യ മിനി സ്‌ക്രീനില്‍ നിന്ന് ബിഗ് സ്‌ക്രീനില്‍ എത്തിയിരിക്കുന്നു. അനന്യയുടെ പാട്ടും ഡാന്‍സും കളിയും ചിരിയും വര്‍ത്തമാനങ്ങളും മിനിസ്‌ക്രീന്‍ പ്രേക്ഷകരെ വളരെയധികം സ്വാധീനിച്ചിരുന്നു. ഫ്‌ളവേഴ്‌സ് പീപ്പിള്‍ ചോയ്‌സില്‍ ഏറ്റവും ജനപ്രീതി നേടിയ ഗായികയാണ് ബേബി അനന്യ. ഇന്ന് ചിത്രീകരണം ആരംഭിച്ച 'അനുരാധ ക്രൈം നമ്പര്‍ 59/2019' എന്ന സിനിമയില്‍ നായകവേഷമണിയുന്ന നടന്‍ ഇന്ദ്രജിത്തിന്റെ മകളായിട്ടാണ് അനന്യ അഭിനയിക്കുന്നത്. സിനിമയുടെ ചര്‍ച്ച നടക്കുമ്പോള്‍ തന്നെ ഇന്ദ്രജിത്തിന്റെ മകളുടെ വേഷം ആര് ചെയ്യണമെന്ന കാര്യത്തില്‍ സംവിധായകന് കൃത്യമായ ധാരണയുണ്ടായിരുന്നു. സംവിധായകന്റെ നിര്‍ദ്ദേശം എല്ലാവരും അംഗീകരിക്കുകയും അനന്യയുടെ മാതാപിതാക്കളോട് സംസാരിച്ചു ഉറപ്പിക്കുകയുമായിരുന്നു. ഷൂട്ടിങ്ങിന്റെ ആദ്യദിവസം തന്നെ ക്യാമറയുടെ മുന്നില്‍ എത്തിയ അനന്യ ഒട്ടും പതറാതെ വളരെ അനായാസമായി കഥാപാത്രത്തിലേക്ക് എത്തിച്ചേരുകയും ചെയ്തു. പാട്ടും ഡാന്‍സും അഭിനയവും ഇഷ്ടപ്പെടുന്ന അനന്യയുടെ പുതിയൊരു മുഖമായിരിക്കും സിനിമയില്‍ കാണാന്‍പോകുന്നത്.
