അഞ്ജു അഷറഫ്-
കൊച്ചി:
ഗോവ അന്താരാഷ്ട്ര ഫിലിം ഫെസ്റ്റിവലിന്റെ ചരിത്രത്തിലാദ്യമായി ഒരു സിനിമ പ്രൊജക്ട് ഡിസൈനര്ക്കുള്ള അംഗീകാരം മലയാളത്തിന്റെ സ്വന്തം ബാദുഷക്ക് ലഭിച്ചു.
ഇന്ത്യന് പനോരമയിലേക്ക് തെരഞ്ഞെടുത്ത 'നമോ' എന്ന സിനിമയിലൂടെയാണ് ബാദുഷക്ക് അംഗീകാരം ലഭിച്ചത്. വിജീഷ് മണി സംവിധാനം ചെയ്ത സംസ്കൃത ചിത്രമാണ് 'നമോ'. ജയറാം കേന്ദ്രകഥാപാത്രത്തെ അവതരിപ്പിച്ച സിനിമ ഇതിനോടകം അന്താരാഷ്ട്ര ചലച്ചിത്ര വേദിയില് ചര്ച്ചാവിഷയമായി കഴിഞ്ഞു.
കച്ചവട മുഖ്യധാരാ സിനിമകള്ക്കൊപ്പം വളരെ ആസ്വദിച്ചാണ് ഇത്തരം കലാമേന്മയുള്ളസിനിമകളില് പ്രവര്ത്തിക്കുന്നതെന്നും ഇപ്പോള് ചെയ്തുകൊണ്ടിരിക്കുന്ന വിജീഷ് മണിയുടെ തന്നെ 'മ്' എന്ന സിനിമയും 'നിഷിദ്' എന്ന സിനിമയും കലാ മേന്മ അവകാശപ്പെടുന്ന സിനിമകളാണെന്നും ബാദുഷ പറഞ്ഞു.
അന്താരാഷ്ട്ര ചലച്ചിത്രവേദിയില് ആദരം നേടിത്തന്ന സംവിധായന് വിജീഷ് മണിക്ക് ബാദുഷ പ്രത്യേകം നന്ദി പറഞ്ഞു.