Editor- MM Kamath
ചെന്നൈ:
പ്രഭുദേവ ടൈറ്റില്‍ കഥാപാത്രത്തിലെത്തുന്ന തമിഴ് സൈക്കോളജിക്കല്‍ ത്രില്ലര്‍ ചിത്രം 'ബഗീര'യുടെ ട്രെയ്‌ലര്‍ വയറലായി.
കഴിഞ്ഞ ദിവസം ചെന്നൈയില്‍ നടന്ന ചടങ്ങിലായിരുന്നു ട്രെയ്‌ലറിന്റെ ലോഞ്ച് നടന്നത്.
ട്രെയ്‌ലര്‍ റിലീസ് ചെയ്ത് മണിക്കൂറുകള്‍ക്കകം പതിനഞ്ചു ലക്ഷത്തിലധികം ആളുകള്‍ ട്രെയ്‌ലര്‍ കണ്ടുകഴിഞ്ഞു.
ആദിക് രവിചന്ദ്രന്‍ രചനയും സംവിധാനവും നിര്‍വ്വഹിച്ചിരിക്കുന്ന ചിത്രത്തില്‍ 'പുരുഷന്മാരുടെ കണ്ണീരൊപ്പുന്ന' ഒരു പരമ്പര കൊലപാതകിയുടെ റോളിലാണ് പ്രഭുദേവ 'ബഗീര'യിലെത്തുന്നത്.
നിരവധി ഗെറ്റപ്പുകളിലാണ് പ്രഭുദേവ 'ബഗീര'യില്‍ പ്രത്യക്ഷപ്പെടുന്നത്. അമൈറ ദസ്തര്‍, രമ്യ നമ്പീശന്‍, ജനനി അയ്യര്‍, സഞ്ചിത ഷെട്ടി, ഗായത്രി ശങ്കര്‍, സാക്ഷി അഗര്‍വാള്‍, സോണിയ അഗര്‍വാള്‍ എന്നീ എഴ് നായികമാരും ചിത്രത്തില്‍ പ്രധാന വേഷങ്ങളില്‍ എത്തുന്നുണ്ട് എന്ന പ്രത്യേകതയും ചിത്രത്തിനുണ്ട്. സായ് കുമാര്‍, നാസര്‍, പ്രഗതി എന്നിവരും ചിത്രത്തില്‍ പ്രധാന കഥാപാത്രങ്ങളാകുന്നുണ്ട്.
സംഗീതം- ഗണേശന്‍ എസ്, ഛായാഗ്രഹണം- സെല്‍വകുമാര്‍ എസ് കെ, അഭിനന്ദന്‍ രാമാനുജം, എഡിറ്റിംഗ്- റൂബെന്‍, കെറിയോഗ്രാഫി- രാജു സുന്ദരം, ബാബ ബാസ്‌കര്‍, കോസ്റ്റ്യൂം- സായ്, മേക്കപ്പ്- കുപ്പുസാമി.
Online PR - CinemaNewsAgency.Com
