CNA
കൊച്ചി:
മമ്മൂട്ടിയെ നായകനാക്കി നവാഗതനായ ഡിനോഡെന്നിസ് തിരക്കഥ രചിച്ച് സംവിധാനം ചെയ്യുന്ന മലയാളത്തിലെ ആദ്യ ഗയിം ത്രില്ലര്‍ ചിത്രമായ 'ബസൂക്ക'യുടെ ഫസ്റ്റ് ലുക്ക് പ്രകാശനം ചെയ്തു.
പ്രേക്ഷകര്‍ പ്രതീക്ഷിച്ചതു പോലെ തന്നെ ഏറെ കൗതുകമുണര്‍ത്തുന്ന പോസ്റ്ററാണ് പുറത്തുവിട്ടിരിക്കുന്നത്.
ഏറ്റവും നൂതനമായ ഒരു പ്രമേയമാണീ ചിത്രത്തിന്റേത്. ഈ കാലഘട്ടത്തിന് ഏറ്റവും അനുയോജ്യമായ വിധത്തിലുള്ള ഹൈടെക്ക് സാങ്കേതിക വിദ്യകളോടെയാണ് ഈ ചിത്രത്തിന്റെ അവതരണം.
നിരവധി ഗറ്റപ്പുകളിലൂടെയാണ് മമ്മൂട്ടി ഈ ചിത്രത്തില്‍ പ്രത്യക്ഷപ്പെടുന്നതെന്നാണ് അറിയാന്‍ കഴിഞ്ഞത്.
ഏറെ കൗതുകവും, സസ്‌പെന്‍സും കോര്‍ത്തിണക്കിയ കഥാപാത്രമാണ് മമ്മുട്ടിയുടേത്. കഥാപാത്രത്തിന്റെ സ്വഭാവത്തെക്കുറിച്ച് അണിയറ പ്രവര്‍ത്തകര്‍ ഒന്നും തന്നെ പുറത്തുവിട്ടിട്ടില്ല.
പാന്‍ ഇന്‍ഡ്യന്‍ ചിത്രമെന്നു വിശേഷിപ്പിക്കാവുന്ന ഈ ചിത്രത്തില്‍ പ്രശസ്ത ദക്ഷിണേന്ത്യന്‍ താരം ഗൗതം വാസുദേവ മേനോന്‍, ഷൈന്‍ ടോം ചാക്കോ, സണ്ണി വെയ്ന്‍, ജഗദീഷ്, ഷറഫുദ്ദിന്‍, സിദ്ധാര്‍ത്ഥ് ഭരതന്‍, ഡീന്‍ ഡെന്നിസ്, സ്ഫടികം ജോര്‍ജ്, ദിവ്യാപിള്ള എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു.
സംഗീതം- മിഥുന്‍ മുകുന്ദന്‍, ഛായാഗ്രഹണം- നിമേഷ് രവി, എഡിറ്റിംഗ്- നിഷാദ് യൂസഫ്, കലാസംവിധാനം- അനിസ് നാടോടി, കോസ്റ്റ്യൂം ഡിസൈന്‍- സമീറാ സനീഷ്, മേക്കപ്പ്- ജിതേഷ് പൊയ്യ, ചീഫ് അസ്സോസ്സിയേറ്റ് ഡയറക്ടര്‍- സുജിത് സുരേഷ്, പ്രൊഡക്ഷന് എക്‌സിക്കുട്ടീവ്‌സ്- ഷെറിന്‍ സ്റ്റാന്‍ലി, രാജീവ് പെരുമ്പാവൂര്‍.
പ്രൊഡക്ഷന് കണ്ട്രോളര്- സഞ്ജു ജെ.
തീയേറ്റര്‍ ഓഫ് ഡ്രീംസിന്റെ ബാനറില്‍ ജിനു വി. ഏബ്രഹാം, ഡോള്‍വിന്‍ കുര്യാക്കോസ് എന്നിവരാണ് ഈ ചിത്രം നിര്‍മ്മിക്കുന്നത്.
കൊച്ചി, കോയമ്പത്തൂര്‍, ബാംഗ്‌ളൂര്‍ എന്നിവിടങ്ങളിലായി ഈ ചിത്രത്തിന്റെ ചിത്രീകരണം പൂര്‍ത്തിയാകും.
- വാഴൂര്‍ ജോസ്.
Online PR - CinemaNewsAgency.Com
