സി എന്‍ എ-
മുംബൈ:
തന്റെ ആരോഗ്യസ്ഥിതി അത്ര മെച്ചമല്ലെന്നും അതുകാരണം ശസ്ത്രകൃയയ്ക്ക് വിധേയനാകുന്നുവന്ന് ബോളിവുഡ് താരം അമിതാഭ് ബച്ചന്‍.
സിനിമാരംഗത്ത് സജീവമാണെങ്കിലും ഒരുപാട് രോഗങ്ങളോട് മല്ലിട്ടാണ് ബിഗ് ബിയുടെ ജീവിതം മുന്നോട്ടുപോകുന്നത്.
ആരോഗ്യസ്ഥിതി മോശമായതിനാല്‍ വീണ്ടുമൊരു ശസ്ത്രക്രിയക്ക് വിധേയനാവാന്‍ ഒരുങ്ങുകയാണ് എന്ന് കഴിഞ്ഞ ദിവസം ബച്ചന്‍ തന്നെയാണ് ഇക്കാര്യം തന്റെ ബ്ലോഗിലൂടെ അറിയിച്ചത്. 'മെഡിക്കല്‍ കണ്ടീഷന്‍. സര്‍ജറി. എഴുതാനാവില്ല' എന്ന് ബച്ചന്‍ കുറിച്ചു.
ഈ പോസ്റ്റ് ബച്ചന്റെ ആരാധകരെ ആശങ്കാകുലരാക്കിയിരിക്കുകയാണ്. പോസ്റ്റ് കണ്ടയുടന്‍ തന്നെ പ്രിയതാരത്തിനുവേണ്ടി വേഗം സുഖമാകട്ടെ എന്നും പ്രാര്‍ത്ഥിക്കുന്നു എന്നുമാണ് ആരാധകരുടെ കമന്റ്.
അമിതാഭ് ബച്ചന്‍ ഹൈദരാബാദില്‍ അജയ് ദേവ്ഗണ്‍, രാകുല്‍പ്രീത് സിങ് എന്നിവര്‍ക്കൊപ്പം 'മെയ് ഡേ' എന്ന ചിത്രത്തില്‍ അഭിനയിച്ചുകൊണ്ടിരിക്കുകയായിരുന്നു. അതിനിടെയാണ് ആരോഗ്യസ്ഥിതി മോശമായത്.
ഏഴ് വര്‍ഷത്തിനുശേഷമാണ് ബിഗ്ഗ് ബിയും അജയ് ദേവഗണും ചേര്‍ന്ന് ഒരു ചിത്രം ചെയ്യുന്നത്.
ഈ ചിത്രം പൂര്‍ത്തിയായി കഴിഞ്ഞ് വികാസ് ബാലിന്റെ ചിത്രത്തിലായിരുന്നു ബിഗ് ബി അഭിനയിക്കേണ്ടിയിരുന്നത്.
ഏപ്രിലില്‍ തീയേറ്ററുകളില്‍ എത്തുന്ന 'ചെഹ്‌രെ', 'ജുണ്ട്' എന്നിവയാണ് ബിഗ് ബി അഭിനയിച്ച മറ്റ് ചിത്രങ്ങള്‍.
