CNA
കൊച്ചി:
പ്രേക്ഷകര്‍ ഏറെ പ്രതീക്ഷയോടെ കാത്തിരിക്കുന്ന കഥാപാത്രമാണ് സേതുരാമയ്യര്‍. 'സി.ബി.ഐ.' പരമ്പരകളിലൂടെ, പ്രേക്ഷകരുടെ മനസ്സില്‍ ഇടം നേടിയ ഈ കഥാപാത്രം ഇക്കുറി എത്തുന്നത് 'സി.ബി.ഐ - 5 ദി ബ്രെയിന്‍' എന്ന ചിത്രത്തിലൂടെയാണ്.
കെ.മധു, എസ്.എന്‍. സ്വാമി കൂട്ടുകെട്ടിന്റെ പ്രസ്റ്റീജ് ചിത്രമായ 'സി.ബി.ഐ.' നിര്‍മ്മിക്കുന്നത് സ്വര്‍ഗ്ഗ ചിത്രയുടെ ബാനറില്‍ അപ്പച്ചനാണ്.
കോ പ്രൊഡ്യൂസേര്‍സ് സനീഷ് ഏബ്രഹാം, മനീഷ് ഏബ്രഹാം.
സി.ബി.ഐ.യുടെ മുന്‍ പതിപ്പുകളിലെ എല്ലാ മാനറിസങ്ങളോടെയുമാണ് സേതുരാമയ്യരെ മമ്മൂട്ടി ഭദ്രമാക്കുന്നത്.
മുന്‍ ചിത്രങ്ങളില്‍ നിന്നും തികച്ചും വ്യത്യസ്ഥമായ അന്വേഷണ രീതിയാണ് ഈ ചിത്രത്തിനു വേണ്ടി കെ. മധുവും എസ്.എന്‍.സ്വാമിയും ചേര്‍ന്ന് അവതരിപ്പിക്കുന്നത്.
ശാസ്ത്രീയവും നൂതനവുമായ സാങ്കേതിക വിദ്യകള്‍ ഈ ചിത്രത്തിനു വേണ്ടി സ്വീകരിച്ചിരിക്കുന്നു.
വലിയ താര നിര തന്നെ ഈ ചിത്രത്തില്‍ അണിനിരക്കുന്നുണ്ട്.
മുകേഷ്, അനൂപ് മേനോന്‍, സായ്കുമാര്‍, രണ്‍ജി പണിക്കര്‍, ദിലീഷ് പോത്തന്‍, സൗബിന്‍ ഷാഹിര്‍, രമേഷ് പിഷാരടി, പ്രശാന്ത് അലക്‌സാണ്ടര്‍, പ്രതാപ് പോത്തന്‍, കനിഹ, ആശാ ശരത്ത്, സന്തോഷ് കീഴാറ്റൂര്‍, ചന്തു നാഥ്, ജി. സുരേഷ് കുമാര്‍, കൃഷ്ണ, ജയകൃഷ്ണന്‍, കോട്ടയം രമേഷ്, ഇടവേള ബാബു, അസീസ് നെടുമങ്ങാട്, ഹരീഷ് രാജു, മാളവികാ മേനോന്‍, സാസ്വീകാ, മാളവികാ നായര്‍, സ്മിനു സിജോ, സോഫി എം.ജോ, എന്നിവരും പ്രധാന വേഷങ്ങളിലെത്തുന്നു.
ഇവര്‍ക്കൊപ്പം ജഗതി ശ്രീകുമാര്‍ തന്റെ വിക്രം എന്ന കഥാപാത്രത്തെ ഈ ചിത്രത്തില്‍ അവതരിപ്പിക്കുന്നു.
പശ്ചാത്തല സംഗീതം- ജെയ്ക്ക് ബിജോയ്‌സ്.
അഖില്‍ ജോര്‍ജ് ഛായാഗ്രഹണവും ശ്രീഗര്‍പ്രസാദ് എഡിറ്റിംഗും നിര്‍വ്വഹിക്കുന്നു.
കലാസംവിധാനം- സിറിള്‍ കുരുവിള, മേക്കപ്പ്- പ്രദീപ് രംഗന്‍, കോസ്റ്റ്യൂം ഡിസൈന്‍- സ്‌റ്റെഫി സേവ്യര്‍, പ്രൊഡക്ഷന്‍ കണ്‍ട്രോളര്‍- അരോമ മോഹന്‍, ചീഫ് അസ്സോസ്സിയേറ്റ് ഡയറക്ടര്‍- ബോസ്, അസ്സോസ്സിയേറ്റ് ഡയറക്ടേര്‍സ്- ശിവരാമകൃഷ്ണന്‍, രതീഷ് നെടുമങ്ങാട്.
എക്‌സിക്കുട്ടിവ് പ്രൊഡ്യൂസര്‍- ബാബു ഷാഹിര്‍, പ്രൊഡക്ഷന്‍ എക്‌സിക്കുട്ടീവ്‌സ്- അനില്‍ മാത്യു, രാജു അരോമ.
മെയ് ഒന്നിന് ഈ ചിത്രം സ്വര്‍ഗ്ഗ ചിത്ര റിലീസ് പ്രദര്‍ശനത്തിനെത്തിക്കുന്നു.
- വാഴൂര്‍ ജോസ്.
ഫോട്ടോ- സലീഷ് പെരിങ്ങോട്ടുകര.
Online PR - CinemaNewsAgency.Com
