Editor- MM Kamath
കൊച്ചി:
അമലപോള് കേന്ദ്ര കഥാപാത്രമായെത്തുന്ന 'കഡാവര്' എന്ന ഫൊറന്സിക് ക്രൈം ത്രില്ലര് ചിത്രത്തിന്റെ മോഷന് പോസ്റ്റര് റിലീസായി.
ബോളിവുഡ് ആക്ഷന് താരം അക്ഷയ്കുമാറാണ് അമലപോളിന്റെ ജന്മദിനമായ ഇന്ന് 'കഡാവറിന്റെ മോഷന് പോസ്റ്റര് റിലീസ് ചെയ്തത്.
സൂപ്പര് ഹിറ്റായ 'ആടൈ' എന്ന ചിത്രത്തിനുശേഷം ഒരു മുഴുനീള ഫൊറന്സിക് ക്രൈംത്രില്ലറുമായി നടി അമലപോള് ഇക്കുറി എത്തുന്നത്.
'കഡാവര്'ഉടന് തന്നെ പ്രദര്ശനത്തിനെത്തുമെന്നാണ് റിപ്പോര്ട്ട്. ഈ സിനിമയില് ഫോറന്സിക് സര്ജനായ ഡോക്ടര് ഭഭ്ര എന്ന കഥാപാത്രത്തെയാണ് അമല അവതരിപ്പിക്കുന്നത്.
അമലാ ഹോം പ്രൊഡക്ഷന്സിന്റെ ബാനറില് അമല പോള് നിര്മ്മിക്കുന്ന ചിത്രം സംവിധാനം ചെയ്യുന്നത് നവാഗത സംവിധായകനായ അനൂപ് പണിക്കരാണ്.
അഭിലാഷ് പിള്ളയാണ് കഥയും തിരക്കഥയും തയ്യാറാക്കിയിരിക്കുന്നത്.
അമലയുടെ ഇതുവരെയുള്ള കരിയറിലെ വെല്ലുവിളി നിറഞ്ഞ ചിത്രമായിരിക്കും ഇതെന്നാണ് അണിയറ പ്രവര്ത്തകര് പറയുന്നത്.
യഥാര്ത്ഥ സംഭവമായ ഫൊറന്സിക് അധ്യാപകനും മുന് വിദ്യാഭ്യാസ ഡയറക്ടറുമായ ഡോ. ഉത്തമന്റെ ഒരു സര്ജന്റെ ഓര്മ കുറിപ്പുകള് എന്ന പുസ്തകമാണ് ചിത്രത്തിനാധാരം.
Online PR - CinemaNewsAgency.Com
PLAY CADAVER MOTION POSTER