CNA
കൊച്ചി:
രാജരാജേശ്വരി ഫിലിംസിന്റെ ബാനറില്‍ ദിലീപ് കുമാര്‍ ശാസ്താം കോട്ട നിര്‍മ്മിച്ച് ശിവരാജ് സംവിധാനം ചെയ്ത കേപ് ടൗണ്‍ എന്ന ചിത്രത്തിന്റെ ടീസര്‍ മനോരമ മ്യൂസിക് റിലീസ് ചെയ്തു.
ചിത്രത്തിലെ മൂന്നു ഗാനങ്ങളില്‍ ഒരു ഗാനമാണ് റിലീസായത്. ദളപതി വിജയ് യുടെ ആരാധകര്‍ക്ക് പ്രധാന്യമുള്ള ഈ ചിത്രത്തിലെ ദളപതി വിജയ്‌യെ കുറിച്ചുള്ള അടിപൊളി ഗാനം സംഗീത സംവിധാനം നിര്‍വഹിച്ചിരിക്കുന്നത് പുതുമുഖ സംഗീത സംവിധായകന്‍ ദിലീപ് ബാബുമാണ്.
ശ്യാം ഏനാത്ത് ഗാനരചന നിര്‍വഹിച്ചിരിക്കുന്നു. സംഗീത സംവിധായകന്‍ രവീന്ദ്രന്‍ മാഷിന്റെ മകന്‍ നവീന്‍ മാധവ് (പോക്കിരി ഫെയിം) ഗാനം ആലപിക്കുന്നു.
നെല്‍സന്‍ ശൂരനാടിനൊപ്പം പുതുമുഖങ്ങളായ അഖില്‍ രാജ്, അനന്തു പടിക്കല്‍, അനീഷ് പ്രകാശ് എന്നിവര്‍ പ്രധാന കഥാപാത്രങ്ങളായി എത്തുന്നു.
ഇവരോടൊപ്പം ജനപ്രതിനിധികള്‍ ആയ കോവൂര്‍ കുഞ്ഞുമോന്‍ എം എല്‍ എ, കായംകുളം എം എല്‍ എ യു. പ്രതിഭ, മിനിസ്റ്റര്‍ ചിഞ്ചു റാണി, മുകേഷ് എം എല്‍ എ, നൗഷാദ് എം എല്‍ എ, മുന്‍ എം പി സോമപ്രസാദ്, ടി.എന്‍. സീമ, ബിന്ദു കൃഷ്ണ, സൂരജ് രവി, കുമ്മനം രാജ ശേഖരന്‍ എന്നിവരും ഈ ചിത്രത്തില്‍ ഭാഗ മായിട്ടുണ്ട്.
ചിത്രത്തിലെ ശ്യാം ഏനാത്തും, സുജ തിലകരാജും എഴുതിയ രണ്ടു ഗാനങ്ങളും ട്രെയ്‌ലറും ഉടന്‍ റിലീസാകും.
ഛായാഗ്രഹണം- അലങ്കാര്‍ കൊല്ലം, വിജിന്‍ കണ്ണന്‍, കൊറിയോ ഗ്രാഫി- 21 സ്റ്റുഡിയോ, ചെന്നൈ. സ്റ്റുഡിയോ- മുജീബ് സ്റ്റുഡിയോ, ചെന്നൈ, മിക്‌സിങ് ആന്റ് ഫൈനല്‍ ഔട്ട്- ഷാന്‍ കൊല്ലം, പി ആര്‍ ഒ- എ എസ് ദിനേശ്.
Online PR - CinemaNewsAgency.Com
