സി എന്‍ എ
കൊച്ചി:
നായത്ത് ഫിലിം പ്രൊഡക്ഷന്സിന്റെ ബാനറില്‍ പരീത് എന്‍എസ് നിര്‍മ്മിക്കുന്ന ചിത്രമാണിത് 'ചന്ദ്രികവിലാസം 102'.
ഗീതാ പ്രഭാകര്‍ എന്ന വനിതയാണ് ചിത്രം സംവിധാനം ചെയ്യുന്നത്. തോമസ് മാളക്കാരന്‍ രചന നിര്‍വ്വഹിക്കുന്ന ചിത്രത്തിന്റെ ഛായാഗ്രഹണം കൈകാര്യം ചെയ്യുന്നത് മുരളീകൃഷ്ണയാണ്. പ്രൊഡക്ഷന് കണ്ട്രോളര്- സൈജു വാതുക്കോടത്ത്.
കുപ്രസിദ്ധ ഗുണ്ട, ചന്ദ്രന്‍ ഒരു ലോഡ്ജിന് ഉടമസ്ഥന്‍ ആവുന്നു. തന്റെ കുത്തഴിഞ്ഞ ജീവിതത്തിലുണ്ടായ ദുരന്തങ്ങളെ തുടര്‍ന്ന്, 'ചന്ദ്ര വിലാസം' എന്ന ലോഡ്ജിനെ മാത്രം ആശ്രയിച്ച് കഴിഞ്ഞിരുന്ന ചന്ദ്രന്റെ ജീവിതത്തില്‍ രണ്ടു സ്ത്രീകഥാപാത്രങ്ങള്‍ ചെലുത്തുന്ന സ്വാധീനമാണ് ചിത്രത്തിലൂടെ കാണുവാന്‍ സാധിക്കുന്നത്.
'ചന്ദ്രിക വിലാസം 102' എന്ന സിനിമയിലൂടെ ഒരു വ്യക്തിയുടെ കയ്‌പ്പേറിയ ജീവിത അനുഭവങ്ങളും ഒപ്പം തന്നെ പ്രതീക്ഷയുടെ കിരണമായി എത്തുന്ന ജീവിതത്തിലെ മനോഹരമായ യാഥാര്‍ത്ഥ്യങ്ങളുമാണ് വരച്ചുകാട്ടുന്നത്.
ഉടന്‍ ചിത്രീകരണം ആരംഭിക്കുന്ന ചിത്രത്തിന്റെ ലൊക്കേഷന്‍ എറണാകുളം, പൊള്ളാച്ചി എന്നീ സ്ഥലങ്ങളിലാണ്.
ഹംസ കുന്നത്തേരി ഗാനരചനയും സംഗീതവും നിര്‍വഹിച്ചിരിക്കുന്നു. ഗാനങ്ങള്‍ ആലപിച്ചിരിക്കുന്നത് അഫ്‌സല്‍. മേക്കപ്പ്- ഷിനു ഓറഞ്ച്, രഞ്ജിത്ത്. ചീഫ് അസോസിയേറ്റ് ഡയറക്ടര്‍- പ്രശാന്ത് മോളിക്കന്‍, സംഘട്ടനം- ശങ്കര്‍, പൈലറ്റ് സൗണ്ട് റെക്കോര്‍ഡിങ്- നിതിന്‍ ബി. മോളിക്കന്‍, വസ്ത്രാലങ്കാരം- അശ്വതി ഗിരീഷ്, ദീപു. പ്രൊഡക്ഷന് മാനേജര്‍സ്- ആഷിഖ്, അനില്‍ അയ്യപ്പന്‍.
സാജു നവോദയ, സാജന്‍ പള്ളുരുത്തി, ബിനു അടിമാലി, ശിവജി ഗുരുവായൂര്‍, പൊന്നമ്മ ബാബു തുടങ്ങിയവരാണ് പ്രധാനവേഷത്തിലെത്തുന്നത്. കൂടാതെ ഏതാനും പുതുമുഖ താരങ്ങളും ചിത്രത്തില്‍ അഭിനയിക്കുന്നുണ്ട്. പി ആര്‍ ഒ- എം കെ ഷെജിന്‍ ആലപ്പുഴ.
Online PR - CNA.
