സി എന് എ-
കൊച്ചി:
ഐവ ഫിലിംസിന്റെ ബാനറില് സുധേഷ് സംവിധാനം ചെയുന്ന 'ചങ്ങായി' എന്ന ചിത്രം ഫെബ്രുവരി 5 ന് റിലീസ് ചെയ്യും.
'പറവ' എന്ന സിനിമക്ക് ശേഷം അമല് ഷാ, ഗോവിന്ദ് പൈ എന്നിവര് നായകന്മാരായി എത്തുന്ന ചിത്രത്തില് മികച്ച നവാഗത നടിക്കുള്ള ഫിലിം ക്രിട്ടിക്സ് അവാര്ഡ് നേടിയ ശ്രീലക്ഷ്മി ആണ് നായിക. കൂടാതെ ഭഗത് മാനുവല്, ജാഫര് ഇടുക്കി, സന്തോഷ് കീഴാറ്റൂര്, ശിവജി ഗുരുവായൂര്, കോട്ടയം പ്രദീപ്, മഞ്ജു പത്രോസ് തുടങ്ങിയവരും പ്രധാന കഥാപാത്രങ്ങളെ അവതരിപ്പിക്കുന്നു.
'ആക്ഷന് ഹീറോ ബിജു'വിന് ശേഷം മുഹമ്മദ് ഷഫീഖ് തിരക്കഥ എഴുതുന്ന ചിത്രത്തിലെ ഗാനങ്ങള് ചിട്ടപെടുത്തിയിരിക്കുന്നത് പ്രശസ്ത സംഗീത സംവിധായകന് മോഹന് സിതാരയാണ്. ഗാന രചന നിര്വഹിച്ചിരിക്കുന്നത് സൗദിയിലെ മലയാളി എഴുത്തുകാരി ഷഹീറ നസിറിനാണ്. 'തായ് നിലം' എന്ന തമിഴ് ചിത്രത്തിലൂടെ നിരവധി ദേശീയ അന്തര്ദേശീയ പുരസ്കാരങ്ങള് വാങ്ങി കൂട്ടിയ പ്രശാന്ത് പ്രണവം ആണ് ഈ ചിത്രത്തിന്റെ ക്യാമറാമാന്.
പ്ലസ് ടു വിന്റെ പശ്ചാത്തലത്തില് രണ്ട് മതത്തില് പെട്ട കുട്ടികളുടെ സ്നേഹത്തിന്റെയും സൗഹൃദത്തിന്റെയും കഥ പറയുന്ന ചിത്രമാണ് 'ചങ്ങായി'.