CNA
കൊച്ചി:
വയനാടിന്റെ പശ്ചാത്തലത്തില് വണ് ടു വണ് മീഡിയയുടെ ബാനറില് മന്സൂര് അലി നിര്മ്മിച്ച് നവാഗതനായ ഷാഫി എപ്പിക്കാട് രചനയും സംവിധാനവും നിര്വ്വഹിക്കുന്ന 'ചെക്കന്' ചിത്രം സെന്സറിങ് നടപടികള് പൂര്ത്തിയാക്കി റിലീസിനൊരുങ്ങുന്നു.
ചിത്രത്തിന് ക്ലീന് 'യു' സര്ട്ടിഫിക്കറ്റ് ആണ് ലഭിച്ചിരിക്കുന്നത്.
കഴിഞ്ഞവര്ഷം ചിത്രീകരണം പൂര്ത്തിയാക്കിയ ചിത്രം കോവിഡ് പ്രധിസന്ധി കാരണം റിലീസിങ് വൈകുകയായിരുന്നു.
വിഷ്ണു പുരുഷന് നായകനായെത്തുന്ന സിനിമയില് നഞ്ചിയമ്മ, വിനോദ് കോവൂര്, തസ്നിഖാന്, അബുസലിം, അലി അരങ്ങാടത്ത്, ആതിര, ഷിഫാന തുടങ്ങിയവര്ക്കു പുറമേ ഒട്ടേറെ നാടക കലാകാരന്മാരും, പുതു മുഖങ്ങളും വേഷമിടുന്നു.
സംഗീതത്തിന് ഏറെ പ്രാധാന്യമുള്ള 'ചെക്കന് വരികള് എഴുതി സംഗീതം നല്കിയത് നഞ്ചിയമ്മയും, മണികണ്ഠന് പെരുമ്പടപ്പും, ഒ.വി. അബ്ദുല്ലയുമാണ്.
'മലര്കൊടിയേ...' എന്ന് തുടങ്ങുന്ന ചിത്രത്തിലെ ഗാനം സോഷ്യല് മീഡിയകളിലൂടെ വീക്ഷിച്ചത് 4 മില്യണിലധികം കാണികളാണ്.
സുരേഷ് റെഡ് വണ് ക്യാമറയും, ജര്ഷാജ് എഡിറ്റിങ്ങും നിര്വ്വഹിക്കുന്നു.
പശ്ചാത്തല സംഗീതം- സിബു സുകുമാരന്, മേക്കപ്പ്- ഹസ്സന് വണ്ടൂര്, കല- ഉണ്ണി നിറം, പ്രൊഡക്ഷന് കണ്ട്രോളര്- ഷൗക്കത്ത് വണ്ടൂര്, പ്രൊജക്റ്റ് ഡിസൈനര്- അസിം കോട്ടൂര്, പി.ആര്.ഒ.- അജയ് തുണ്ടത്തില്, ഓണ്ലൈന് പി.ആര്.- സിനിമ ന്യൂസ് ഏജന്സി.
മെയ്മാസം ചെക്കനെ തിയേറ്ററില് എത്തിക്കാമെന്ന പ്രതീക്ഷയിലാണ് അണിയറ പ്രവര്ത്തകര്.