റഹിം പനവൂര്-
കൊച്ചി:
ചിത്രകാരിയായ രമ സജീവന് രചനയും സംവിധാനവും നിര്വഹിക്കുന്ന ചിത്രമാണ് 'ചിരാത്'. രമ ആദ്യമായി സംവിധാനം ചെയ്യുന്ന ഈ ചിത്രം ആര്ട്ട് പോയിന്റ് ക്രിയേഷന്സിന്റെ ബാനറിലാണ് നിര്മിക്കുന്നത്.
കേരളത്തിലെ പ്രകൃതി സുന്ദരമായ ഒരു ഗ്രാമത്തില് ജീവിക്കുന്ന മീരയും ഭര്ത്താവ് വിനോദും മകള് കൃഷ്ണയും അടങ്ങുന്ന കൊച്ചു കുടുംബം. ഇവരുടെ കുടുംബത്തില് അറിഞ്ഞോ അറിയാതെയോ ഉണ്ടാവുന്ന സാമൂഹികവും സാമ്പത്തികവുമായ പ്രതിസന്ധികള്. ഇവിടെ ഒറ്റപ്പെട്ടുപോകുന്ന ഒരു പെണ്ണിന്റെ തീവ്രമായ ജീവിതാനുഭവങ്ങളുടെ നേര്ക്കാഴ്ചയാണ് ഈ ചിത്രം.
ആറു വര്ഷം മുമ്പ് എഴുതിയ കഥയാണ് 'ചിരാത്' എന്ന ചലച്ചിത്രമായി മാറിയതെന്ന് സംവിധായിക രമ സജീവന് പറഞ്ഞു. ജീവിതത്തിലുണ്ടാകുന്ന പ്രതിസന്ധികളെ തരണം ചെയ്ത് മുന്നോട്ടുപോകണമെന്ന സന്ദേശം ഈ ചിത്രം നല്കുന്നു. എഴുതിയ കഥ സിനിമയായി കാണണമെന്നുള്ള തീവ്രമായ ആഗ്രഹത്തില് നിന്നുമാണ് ഈ സിനിമ രൂപപ്പെട്ടതെന്നും സിനിമയുടെ എല്ലാ മേഖലകളിലും സജീവമായി ഇടപെടാന് സാധിച്ചതില് സംതൃപ്തിയുണ്ടെന്നും സംവിധായിക പറഞ്ഞു.
ബിജുദാസ്, മിഥില, ബേബി നിരഞ്ജന, വസന്തകുമാരി, പ്രസന്നന് മാഞ്ചയ്ക്കല്, ഷാജിക്ക ഷാജി, ഷാന്സി സലാം, അന്ന ഏയ്ഞ്ചല്, വി.കെ.എം. പ്രഭാത്, നന്ദഗോപന്, സാദിഖ്, നിസാര് റംജാന്, സന്ധ്യ, ഉണ്ണി താനൂര്, ഷെമീര് ബാബു, അരുണ് തേക്കിന്കാട്, പി.കെ. ബിനീഷ്, സുബീഷ് ശിവരാമന്, ബേബി പ്രനീത പ്രഭാത്, മാസ്റ്റര് നവദേവ്, മാസ്റ്റര് പ്രണവ് പ്രഭാത്, ബേബി ശ്രീനന്ദ, റഫീഖ് കണമ്പ്, ടി.ആര്. ഇന്ദിര, സീമ, സാജു കൂത്താട്ടുകുളം എന്നിവരാണ് പ്രധാന താരങ്ങള് മീര എന്ന കേന്ദ്രകഥാപാത്രത്തെ മിഥില അവതരിപ്പിക്കുന്നു. വിനോദായി ബിജുദാസും കൃഷ്ണയായി ബേബി നിരഞ്ജനയും എത്തുന്നു.
ഛായാഗ്രഹണം- സുല്ഫി ഭൂട്ടോ. അസോസിയേറ്റ് ഡയറക്ടര്- പി.കെ. ബിജു. പശ്ചാത്തല സംഗീതം- അരുണ് പ്രസാദ്. പ്രൊഡക്ഷന് കണ്ട്രോളര്- ഷാജിക്ക ഷാജി. പിആര്ഒ- റഹിം പനവൂര്. കലാസംവിധാനം- ശ്രീനി കൊടുങ്ങല്ലൂര്. സംവിധാന സഹായികള്- മനോജ്കുമാര്, ജ്യോതി വൈശാഖ്. മേയ്ക്കപ്പ്- ശിവരാജന്. സ്റ്റില്സ്- വി.കെ.എം. പ്രഭാത്. പ്രൊഡക്ഷന് മാനേജര്- റഫീഖ് കണമ്പ്. ഫിനാന്സ് കണ്ട്രോളര്- നിസാര് റംജാന്.
കൂത്താട്ടുകുളം, തൊടുപുഴ, മൂലമറ്റം തുടങ്ങിയ സ്ഥലങ്ങളിലായിരുന്നു സിനിമയുടെ ചിത്രീകരണം