സി എന്‍ എ-
ചെന്നൈ:
വിക്രം നായകനായി എത്തുന്ന 'കോബ്ര'യുടെ ചിത്രീകരണം പുനരാരംഭിച്ചു. കോവിഡിന്റെ പശ്ചാത്തലത്തില്‍ നിര്‍ത്തിവെച്ചിരുന്ന തമിഴ് സിനിമ 'കോബ്ര'യുടെ ചിത്രീകരണം പുനരാരംഭിച്ചു.
സംവിധായകന്‍ അജയ് ജ്ഞാനമൂത്തുവാന് സിനിമയുടെ ലൊക്കേഷന്‍ സ്റ്റില്‍ ട്വിറ്ററിലൂടെ പങ്കുവെച്ചാണ് ചിത്രീകരണം പുനരാരംഭിച്ച വാര്‍ത്ത പുറത്തുവിട്ടത്.
നിരവധി മെഷീന്‍ ഗണ്ണുകളും ബുള്ളറ്റുകളും ക്യാമറയും െ്രെടപോഡുമൊക്കെ സൂക്ഷിച്ചിരിക്കുന്ന ഒരു മുറിയില്‍ ക്യാമറയില്‍ നിന്ന് പുറംതിരിഞ്ഞാണ് ചിത്രത്തില്‍ വിക്രത്തിന്റെ ഇരിപ്പ്. കറുത്ത നിറത്തിലുള്ള വസ്ത്രവും മങ്കി ക്യാപ്പുമാണ് വിക്രം ധരിച്ചിട്ടുണ്ട്.
ഡിമോന്റെ കോളനി, ഇമൈക്ക നൊടികള്‍ എന്നീ ഹിറ്റ് ചിത്രങ്ങളൊരുക്കിയ അജയ് ജ്ഞാനമുത്തു സംവിധാനം ചെയ്യുന്ന ചിത്രമാണ് 'കോബ്ര'. ചിത്രത്തിന്റെ ആദ്യ ഷെഡ്യുള്‍ റഷ്യയില്‍ ആയിരുന്നു.
സൂപ്പര്‍ നാച്ചുറല്‍ ത്രില്ലെര്‍ ഗണത്തില്‍പ്പെട്ട സിനിമയില്‍ വ്യത്യസ്തമായ ഏഴു ഗെറ്റപ്പുകളിലാണ് വിക്രം എത്തുന്നത്.
തമിഴ്, തെലുഗ്, ഹിന്ദി ഭാഷകളിലായി ചിത്രം 2020 ഏപ്രിലില്‍ തീയറ്ററുകളിലെത്തുമെന്ന് അറിയിച്ചിരുന്നെങ്കിലും കൊറോണ വൈറസ് കാരണം ചിത്രീകരണം പൂര്‍ത്തിയായിട്ടില്ല. ഓസ്‌കാര്‍ അവാര്‍ഡ് ജേതാവ് എ.ആര്‍ റഹ്മാനാണ് ചിത്രത്തിന്റെ സംഗീതം നല്‍കിയിരിക്കുന്നത്.
ശ്രീനിധി ഷെട്ടി, മിയ, മാമുക്കോയ, കെ എസ് രവികുമാര്‍, രേണുക, ബാബു ആന്റണി, പത്മപ്രിയ, റോബോ ശങ്കര്‍, കനിഹ, റോഷന്‍ മാത്യു, പൂവൈയ്യാര്‍ എന്നിവര്‍ക്കൊപ്പം ക്രിക്കറ്റ് താരം ഇര്‍ഫാന്‍ പത്താനും ഒരു പ്രധാന വേഷം സിനിമയില്‍ അവതരിപ്പിക്കുന്നുണ്ട്. ഇര്‍ഫാന്‍ പത്താന്റെ കന്നി സിനിമയെന്ന പ്രത്യേകതയും 'കോബ്ര'ക്ക് ഉണ്ട്.
സെവന്‍ സ്‌ക്രീന്‍ സ്റ്റുഡിയോയും വയകോം 18 മോഷന്‍ പിക്‌ചേഴ്‌സും ചേര്‍ന്നാണ് ചിത്രം നിര്‍മ്മിക്കുന്നത്.
