MM Kamath
കൊച്ചി:
'14 ഡേയ്‌സ് ഓഫ് ലവ്'എന്ന ഷോര്‍ട്ട്ഫിലിമിന് ശേഷം ബ്ലോക്ക്ബസ്റ്റര്‍ ഫിലിംസിന്റെ ബാനറില്‍ നഹാസ് ഹിദായത്ത് സംവിധാനം ചെയ്യുന്ന ഷോര്‍ട്ട്ഫിലിമാണ് 'കളര്‍ പടം'.
കഴിഞ്ഞ ദിവസം പുറത്തിറങ്ങിയ ഫസ്റ്റ് ലുക്ക് പോസ്റ്റര്‍ വയറലായിരിക്കുകയാണ്.
ജനശ്രദ്ധ ആകര്‍ഷിച്ച് വ്യത്യസ്തമായ ഈ പോസ്റ്റര്‍ ഡിസൈന്‍ ചെയ്തിരിക്കുന്നത് പ്രശസ്ത പോസ്റ്റര്‍ ഡിസൈനര്‍ മാമിജോ ആണ്.
സിനിമാ താരങ്ങളായ അശ്വിന്‍ ജോസ്, മമിത ബൈജു എന്നിവരാണ് 'കളറ് പടത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്.
മലയാളത്തില്‍ HDR ഫോര്‍മാറ്റില്‍ ഇറങ്ങുന്ന ഷോര്‍ട്ട് ഫിലിം എന്ന പ്രത്യേകത 'കളര്‍ പടത്തിനുണ്ട്.
ഗ്രാമം പശ്ചാത്തലമാകുന്ന ചിത്രത്തില്‍ വീഡിയോഗ്രാഫറായ ദിലീപിന്റെ ജീവിതത്തില്‍ ഉണ്ടാകുന്ന സംഭവവികാസങ്ങളാണ് 'കളര്‍ പടം' എന്ന ചിത്രത്തിന്റെ ഇതിവൃത്തം.
നര്‍മ്മത്തിനും പ്രണയത്തിനും പ്രാധാന്യമുള്ള ഈ ചിത്രത്തില്‍ വിനീത് ശ്രീനിവാസന്‍ പാടിയ പാട്ടും ചിത്രത്തിന്റെ മറ്റൊരു ആകര്‍ഷണമാണ്.
മിഥുന്‍ വേണുഗോപാല്‍, അഞ്ചു മേരി തോമസ്, അനില്‍ നാരായണന്‍, പ്രണവ്, ജോര്‍ഡി പൂഞ്ഞാര്‍, റിഗില്‍,അജയ് നിപിന്‍ തുടങ്ങിയവരാണ് മറ്റു കഥാപാത്രങ്ങളെ അവതരിപ്പിച്ചിട്ടുള്ളത്.
ആന്റണി വര്‍ഗീസ് പെപ്പയുടെ വരാനിരിക്കുന്ന 'ആരവം' എന്ന ചിത്രത്തിന്റെ സംവിധായകനുമാണ് നഹാസ് ഹിദായത്ത്.
ക്യാമറ- വിഷ്ണു പ്രസാദ്, മ്യൂസിക്- ജോയല്‍ ജോണ്‍സ്, ലിറിക്‌സ്- റിറ്റോ പി. തങ്കച്ചന്‍, എഡിറ്റ്- അജ്മല്‍ സാബു, കോറിയൊഗ്രഫി- റിഷ് ദന്‍ അബ്ദുല്‍ റഷീദ്, ഡി ഐ- ഡോണ്‍ ബി. ജോണ്‍സ്, സ്റ്റില്‍സ്- അജയ് നിപിന്‍, അസ്സോസിയേറ്റ്- ഷബാസ് റഷീദ്, സനത്ത് ശിവരാജ് കോസ്റ്റ്യും- സിമി ആന്‍ തോമസ്, മേക്കപ്പ്- സജിനി, സൗണ്ട് ഡിസൈന്‍- രാകേഷ് ജനാര്‍ദ്ദനന്‍, ഫൈനല്‍ മിക്‌സ്- വിഷ്ണു രഘു, പോസ്റ്റര്‍ ഡിസൈന്‍- മാമിജോ.
ഈ മാസം അവസാനം 'കളര്‍ പടം' Blockbuster Films ന്റെ യൂട്യൂബ് ചാനലിലൂടെ റിലീസ് ചെയ്യും.
Online PR - CinemaNewsAgency.Com
