CNA
കൊച്ചി:
മലയാള സിനിമാ പ്രേക്ഷകര്‍ക്ക് ഒരു പിടി മികച്ച ചിത്രങ്ങള്‍ സമ്മാനിച്ച ടി.എസ്. സുരേഷ് ബാബു സംവിധാനം ചെയ്യുന്ന 'ഡി.എന്‍.എ.' എന്ന ചിത്രത്തിന്റെ ചിത്രീകരണം കൊച്ചിയില്‍ ആരംഭിച്ചു.
ബെന്‍സി പ്രൊഡക്ഷന്‍സിന്റെ ബാനറില്‍ കെ.വി. അബ്ദുള്‍ നാസ്സറാണ് ഈ ചിത്രം നിര്‍മിക്കുന്നത്.
വല്ലാര്‍പാടം ആല്‍ഫ ഹൊറൈസണ്‍ ബില്‍ഡിംഗിലായിരുന്നു ചിത്രീകരണം ആരംഭിച്ചത്.
കെ.പി.സി.സി എക്‌സിക്കുട്ടീവ് മെംബര്‍ അഡ്വ. കെ.പി. ഹരിദാസ് ആദ്യ ഭദ്രദീപം തെളിയിച്ചു കൊണ്ടായിരുന്നു തുടക്കം. തുടര്‍ന്ന് അഷ്‌ക്കര്‍ സൗദാന്‍, പന്മരാജ് രതീഷ്, സുധീര്‍, കോട്ടയം നസീര്‍ എന്നിവര്‍ ഈ ചടങ്ങ് പൂര്‍ത്തീകരിച്ചു.
സ്വാസ്വികയാണ് ആദ്യ ഷോട്ടില്‍ അഭിനയിച്ചത്.
പൂര്‍ണ്ണമായും ക്രൈം ഇന്‍ വസ്റ്റിഗേഷനില്‍ അവതരിപ്പിക്കുന്ന ഈ ചിത്രത്തില്‍ നല്ലൊരു ഇടവേളയ്ക്കു ശേഷം ലഷ്മി റായ് സുപ്രധാനമായ വേഷത്തില്‍ എത്തുന്നു.
കമ്മീഷണര്‍ റേച്ചല്‍ പുന്നൂസ് എന്ന കഥാപാത്രത്തെയാണ് ലഷ്മി റായ് അവതരിപ്പിക്കുന്നത്.
അപ് കമിംഗ് ആര്‍ട്ടിസ്റ്റ് എന്നു വിശേഷിപ്പിക്കാവുന്ന അഷ്‌ക്കര്‍ സൗദാനാണ് ഈ ചിത്രത്തിലെ നായകന്‍ ബാബു ആന്റണി, അജു വര്‍ഗ്ഗീസ്, സൈജുക്കുറുപ്പ്, ഇര്‍ഷാദ്, ഇന്ദ്രന്‍സ്, റിയാസ് ഖാന്‍, കോട്ടയം നസീര്‍, പത്മരാജ് രതീഷ് രവീന്ദ്രന്‍, സുധീര്‍, ഇടവേള ബാബു, നിര്‍മ്മല്‍ പാലാഴി,
ഇനിയ, ഗൗരിനന്ദ, പൊന്‍വണ്ണന്‍, ബോബന്‍ ആലുംമൂടന്‍, സീത, അമീര്‍ നിയാസ്, രാജേഷ് മാധവ്, കുഞ്ചന്‍, ആശാ നായര്‍, കലാഭവന്‍ ഹനീഫ് തുടങ്ങിയവരും ഈ ചിത്രത്തിലെ പ്രധാന താരങ്ങളാണ്.
എ.കെ. സന്തോഷിന്റേതാണ് തിരക്കഥ.
പ്രശസ്ത നടി സുകന്യയുടേതാണു ഗാനങ്ങള്‍.
സംഗീതം- ഫോര്‍ മ്യൂസിക്ക്, ശരത്, ഛാഗ്രഹണം- രവിചന്ദ്രന്‍, എഡിറ്റിംഗ്- ജോണ്‍ കുട്ടി, കലാസംവിധാനം- ശ്യാം കാര്‍ത്തികേയന്‍, മേക്കപ്പ്- രഞ്ചിത്ത് അമ്പാടി, കോസ്റ്റ്യൂം ഡിസൈന്‍- നാഗരാജ്, ചീഫ് അസ്റ്റോസ്റ്റിയേറ്റ് ഡയറക്ടര്‍- അനില്‍ മേടയില്‍, അസ്സോസ്സിയേറ്റ് ഡയറക്ടര്‍- വൈശാഖ് നന്തിലത്തില്‍,
സംഘട്ടനം- സ്റ്റണ്ട് ശിവ, കനല്‍ക്കണ്ണന്‍, പഴനി രാജാ, ഫിയോണിക്‌സ് പ്രഭു. പ്രൊഡക്ഷന്‍ എക്‌സിക്കുട്ടീവ്- ജസ്റ്റിന്‍ കൊല്ലം, പ്രൊഡക്ഷന്‍ കണ്‍ടോളര്‍- അനീഷ് പെരുമ്പിലാവ്.
കൊച്ചി, ചെന്നൈ, കുട്ടിക്കാനം എന്നിവിടങ്ങളിലായി ഈ ചിത്രത്തിന്റെ ചിത്രീകരണം പൂര്‍ത്തിയാകും.
- വാഴൂര്‍ ജോസ്.
ഫോട്ടോ- ശാലു പേയാട്.
Online PR - CinemaNewsAgency.Com
