സി എന്‍ എ-
കൊച്ചി:
യൂത്ത് ഐക്കണ്‍ ദുല്‍ഖര്‍ സല്‍മാന്റെ ഉടമസ്ഥതയിലുള്ള 'വേഫെറര്‍ ഫിലിംസ്' സിനിമാ വിതരണ രംഗത്തേക്ക് തുടക്കംക്കുറിക്കുന്നു.
അരുണ്‍ വൈഗ സംവിധാനം ചെയ്യുന്ന 'ഉപചാരപൂര്‍വ്വം ഗുണ്ട ജയന്‍' എന്ന ചിത്രത്തിലൂടെയാണ് 'വേഫെറര്‍ ഫിലിംസ്' ആദ്യമായി സിനിമാ വിതരണ രംഗത്തേക്ക് കടക്കുന്നത്.
സിജു വില്‍സണ്‍, സൈജു കുറുപ്പ്, ഷറഫുദ്ധീന്‍ എന്നിവര്‍ നായകന്മാരാകുന്ന ഈ ചിത്രം ഹാസ്യത്തിന് പ്രാധാന്യം നല്‍കിയാണ് ഒരുക്കുന്നത്. ദുല്‍ഖര്‍ സല്‍മാന്‍ നിര്‍മ്മിക്കുന്ന ചിത്രങ്ങളും വേഫെറര്‍ തന്നെയാണ് ഇനി തീയേറ്ററുകളില്‍ എത്തിക്കുക.
'വരനെ ആവശ്യമുണ്ട്', 'മണിയറയിലെ അശോകന്‍' എന്നിവയാണ് ദുല്‍ഖറിന്റെ നിര്‍മ്മാണത്തില്‍ പ്രദര്‍ശനത്തിനെത്തിയ ചിത്രങ്ങള്‍.
കുപ്രസിദ്ധ കുറ്റവാളി സുകുമാരക്കുറുപ്പിന്റെ കഥ പറയുന്ന 'കുറുപ്പ്', ഷൈന്‍ ടോം ചാക്കോ നായകനാകുന്ന 'അടി', ബോബി സഞ്ജയ് കൂട്ടുകെട്ട് തിരക്കഥ ഒരുക്കുന്ന ദുല്‍ഖറിന്റെ ആദ്യ പോലീസ് റോളിലുള്ള റോഷന്‍ ആന്‍ഡ്രൂസ് ചിത്രം എന്നിവയാണ് ദുല്‍ഖറിന്റെ നിര്‍മ്മാണത്തില്‍ ഒരുങ്ങുന്ന മറ്റ് ചിത്രങ്ങള്‍.
