CNA
കൊച്ചി:
നെബുല കണ്ണൂര് കൂത്തുപറമ്പ് സ്വദേശി, ജേര്ണലിസത്തില് ബിരുദാനന്ദരബിരുദം, മാധ്യമപ്രവര്ത്തക.
സ്കൂള് നാടകങ്ങളിലൂടെ ആദ്യമായി വേദിയിലെത്തിയ നെബുല പഠനകാലത്ത് കണ്ണൂര് ജില്ലാ സ്കൂള് കലോത്സവത്തിലും ജില്ലാ കേരളോല്സവത്തിലും മികച്ച നടിയായി തെരഞ്ഞെടുക്കപ്പെട്ടു.
കോളേജ് പഠനകാലത്ത് കലാലയ വേദികളില് സജീവമായിരുന്ന നെബുല കണ്ണൂര് യൂണിവേഴ്സിറ്റി കലോത്സവത്തില് അവതരിപ്പിച്ച നാടകത്തിലൂടെ യൂണിവേഴ്സിറ്റി ബെസ്റ്റ് ആക്ടര് ആയി തെരഞ്ഞെടുക്കപ്പെട്ടു.
'വൈറസ്', 'വെള്ളം', 'നാരദന്' എന്നീ സിനിമകളില് ചെറിയ വേഷങ്ങള് ചെയ്ത നെബുല പ്രധാന വേഷത്തിലെത്തുന്ന ആദ്യ സിനിമയാണ് 'ഡാര്ക്ക് ഷെയ്ഡ്സ് ഓഫ് എ സീക്രെട്'.
'ഡാര്ക്ക് ഷെയ്ഡ്സ് ഓഫ് എ സീക്രെടില് നെബുല അവതരിപ്പിക്കുന്ന 'ഗൗരി' എന്ന കഥാപാത്രത്തിന്റെ ക്യാറക്ടര്
പോസ്റ്റര് റിലീസ് ചെയ്തിരിക്കുകയാണ്.
രാജീവന് വെള്ളൂര്, രവിദാസ്, വിഷ്ണു, സെബിന്, നെബുല എന്നിവരെ പ്രധാന കഥാപാത്രങ്ങളാക്കി വിദ്യ മുകുന്ദന് കഥ തിരക്കഥ സംഭാഷണമെഴുതി സംവിധാനം ചെയ്യുന്ന 'ഡാര്ക് - ഷെയ്ഡ്സ് ഓഫ് എ സീക്രട്ട്'.
ബിജു, കിരണ് കൃഷ്ണ, വിദ്യ മുകുന്ദന്, ബിജു പലേരി, സന്തോഷ് ശ്രീസ്ത, ശ്യാം കണ്മണി, പാപ്പച്ചന് ആലക്കോട്, അനീഷ് കുമാര് കാപ്പിമല തുടങ്ങിയവരാണ് മറ്റ കഥാപാത്രങ്ങളെ അവതരിപ്പിക്കുന്നത്.
നിലാ ക്രീയേറ്റീവ് മീഡിയയുടെ ബാനറില് നിര്മ്മിക്കുന്ന ഈ ചിത്രത്തിന്റെ ഛായാഗ്രഹണം മുഹമ്മദ് എ നിര്വഹിക്കുന്നു.
എഡിറ്റിംഗ്- റിഞ്ചു ആര് വി., ജോയ് തമലം, അനില് തളിക്കുളം എന്നിവരുടെ വരികള്ക്ക് വിനീഷ് മണി, കെ. ജെ ശ്രീരാജ്, എന്നിവര് സംഗീതം പകരുന്നു.
രശ്മി സതീഷ്, മണികണ്ഠന് പെരുമ്പടപ്പ് എന്നിവരാണ് ഗായകര്.
പശ്ചാത്തലസംഗീതം- വിനീഷ് മണി, സൗണ്ട് ഡിസൈന്, മിക്സിങ്- ടി കൃഷ്ണനുണ്ണി, അരുണ് വര്മ്മ, പി ആര് ഒ- എ എസ് ദിനേശ്.
Online PR - CinemaNewsAgency.Com