സി എന് എ-
കൊച്ചി:
ഓസ്കാര് അവാര്ഡിനുള്ള നാമനിര്ദ്ദേശ പട്ടികയില് മലയാളത്തില് നിന്നൊരു ഹൃസ്വ ചിത്രം.
മലയാളത്തില് നിന്ന് ഇത് ആദ്യമായാണ് ഒരു ഹൃസ്വചിത്രം ഓസ്കാര് അകാദമി അവാര്ഡിനുള്ള നാമനിര്ദ്ദേശ പട്ടികയില് ഇടം പിടിക്കുന്നത്.
മരണശേഷം മാത്രം പ്രശസ്തനായ വിശ്വവിഖ്യാത ചിത്രകാരന് വിന്സെന്റ് വാന്ഗോഗിന്റെ ജീവിതത്തിലെ അവസാന നിമിഷങ്ങള് പ്രമേയമാക്കി മലയാളിയായ നൃത്തസംവിധായകന് സഹീര് അബ്ബാസ് സംവിധാനം ചെയ്ത 'ഡെത്ത് ഓഫേഴ്സ് ലൈഫ്' (DEATH OFFERS LIFE - Last Moments of Vincent Van Gogh) എന്ന ഹൃസ്വ ചിത്രമാണ് ഓസ്കാര് അവാര്ഡിനുള്ള നാമനിര്ദ്ദേശ പട്ടികയില് ഇടം പിടിച്ചത്.
ഇരുപത്തിഎട്ട് രാജ്യങ്ങളില് നിന്നായി നാനൂറ്റിഅമ്പതിലധികം അന്താരാഷ്ട്ര പുരസ്കാരങ്ങള് ചിത്രത്തിന് ഇതുവരെ ലഭിച്ചു കഴിഞ്ഞു.
കൂടാതെ ഈ സിനിമയുടെ സാങ്കേതിക പ്രവര്ത്തകര്ക്കും പുരസ്കാരങ്ങള് ലഭിച്ചിട്ടുണ്ട്.
ജീവിതത്തിന്റെ അവസാന നിമിഷങ്ങളില് മരണവുമായി സംവദിക്കുന്ന വാന്ഗോഗ്...
തന്റെ മുപ്പത്തിയേഴാം വയസില് വിഷാദരോഗത്താല് സ്വയം തീരുമാനിച്ച് ജീവിതത്തിന്റെ പടിയിറങ്ങിപ്പോയ വാന്ഗോഗ്...
'എന്നിലെ ദുഃഖങ്ങളെല്ലാം എന്നോടൊപ്പം അന്ത്യംവരെയുമുണ്ടാകും' എന്ന് അവസാനമായി പറഞ്ഞുവച്ചുപോയ വാന്ഗോഗിന്...
മരണം ജീവിതം വാഗ്ദാനംചെയ്യുന്നതാണ് 'ഡെത്ത് ഓഫേഴ്സ് ലൈഫിന്റെ പ്രമേയം.
കലാകാരനായി പുനര്ജന്മം വേണ്ടെന്ന് പറയുന്ന വാന്ഗോഗിന്റെ മനോധര്മങ്ങളിലൂടെയുള്ള സഞ്ചാരം...
ചിത്രത്തില് കേന്ദ്രകഥാപാത്രമായ വിന്സെന്റ് വാന്ഗോഗ് ആയി വേഷമിട്ടത് റാഷി ഖാന് ആണ്. അനുരൂപ് തേക്കുംകാടന് ആണ് മരണമായെത്തിയത്.
കൊച്ചി കാക്കനാടുള്ള ഒരു വീട്ടിലായിരുന്നു 1800 കളിലെ യൂറോപ്പിലെ ഒരു കൊച്ച് മുറിയുടെ സെറ്റ് നിര്മ്മിച്ച് വെറും മെഴുകുതിരികളുടെ വെളിച്ചം മാത്രം ഉപയോഗിച്ചായിരുന്നു 'ഡെത്ത് ഓഫേഴ്സ് ലൈഫിന്റെ ചിത്രീകരണം.
തിരക്കഥ- മധു എന്.ആര്., നിര്മ്മാണം- റാണി രഞ്ജന്, ബാനര്- എന്.എ.എന്.ആര്. ഫിലിംസ്,
സംസ്ഥാന പുരസ്കാര ജേതാവായ നൗഷാദ് ഷെരിഫ് ആണ് ചിത്രത്തിന്റെ ഛായാഗ്രാഹകന്.
എഡിറ്റിംഗ്- ആന്റണി നിഖില് വര്ഗീസ്, സംഗീതം- അരുണ് ഗോപന്, കലാ സംവിധാനം- അഭിലാഷ് മുതുക്കാട്, ഡി ഐ- ശ്രീകുമാര്, കോസ്റ്റ്യൂം ഡിസൈനര്- അശ്വതി സാഗര്, മേയ്ക്കപ്പ്- ബോബന് വരാപുഴ, പ്രൊഡക്ഷന് കണ്ട്രോളര്- ബാലശങ്കര് വേണുഗോപാല്, അസോസിയേറ്റ് ഡയറക്ടര്- വിഷ്ണു രാജ്, സ്റ്റില്സ്- ബാക്കിര് സാദര്, ഡിസൈന് & വി എഫ് എക്സ്- രണ്തീഷ് കൃഷ്ണ.
വാര്ത്ത പ്രചരണം- എം.എം. കമ്മത്ത്
Online PR - CinemaNewsAgency.Com