സി എന് എ-
കൊച്ചി:
അന്താരാഷ്ട്ര തലത്തില് ഇന്ത്യയില് പ്രവര്ത്തിക്കുന്ന ഒ ടി ടി പ്ലാറ്റ്ഫോമുകളുടെ പ്രവര്ത്തനങ്ങളില് നിയന്ത്രണം കൊണ്ടുവരാന് കേന്ദ്ര സര്ക്കാര് ആലോചിക്കുന്നു.
നിലവില് ഡിജിറ്റല് സിനിമ പ്ലാറ്റ്ഫോമുകളെ നിയന്ത്രിക്കാന് രാജ്യത്ത് സംവിധാനങ്ങള് ഇല്ല.
നെറ്റ് ഫിളിക്സ്, ആമസണ് പ്രൈം, ഹോട് സ്റ്റാര് എന്നിവയാണ് പ്രധാന പ്ലാറ്റ്ഫോമുകള്. നാല്പതോളം പുതിയ ഒ ടി ടി പ്ലാറ്റ്ഫോമുകള് കൂടി കേരളത്തില് വരും എന്നാണ് ഇപ്പോള് കേള്ക്കുന്നത്. ഇത് കേരളത്തിലെ മാത്രം കാര്യമാണ്.
ഇന്ത്യയൊട്ടാകെ നിരവധി ഒ ടി ടി പ്ലാറ്റ്ഫോമുകളാണ് വരാന് പോകുന്നത്. പുതിയ നിയമത്തിലൂടെ ഇവയെല്ലാം കേന്ദ്ര സര്ക്കാരിന്റെ നിയന്ത്രണത്തിലാകും. ചെറിയ സിനിമകളും വലിയ സിനിമകളും ഒ ടി ടി പ്ലാറ്റ്ഫോമുകള് ലക്ഷ്യമിട്ടാണ് നീങ്ങുന്നത്.
ഒ ടി ടി പ്ലാറ്റ്ഫോമുകള്ക്ക് വേണ്ടി മാത്രമായി സിനിമ നിര്മ്മാണവും നടക്കുന്നുണ്ട്. മലയാളത്തില് മോഹന്ലാല് ചിത്രമായ 'ദൃശ്യം 2' തീയേറ്റര് പ്രദര്ശനം ഒഴിവാക്കി ഒ ടി ടി ക്ക് നല്കിയത് വിവാദമായിരുന്നു.