CNA
തിരു:
സംവിധായകനും തിരക്കഥാകൃത്തും നടനും നിര്മ്മാതാവുമായ രഞ്ജിത്തിനെ കേരള ചലച്ചിത്ര അക്കാദമി ചെയര്മാനായി നിയമിച്ചു. ഇതുസംബന്ധിച്ച സര്ക്കാര് ഉത്തരവ് പുറത്തിറങ്ങി.
വെള്ളിയാഴ്ച രാവിലെ അദ്ദേഹം ചുമതലയേല്ക്കും.
സംവിധായകന് കമലിന്റെ കാലാവധി പൂര്ത്തിയായതിനെ തുടര്ന്നാണ് പുതിയ നിയമനം. മൂന്ന് വര്ഷത്തേക്കാണ് നിയമനം. കഴിഞ്ഞ ആഴ്ച്ച ചേര്ന്ന സി.പി.എം സെക്രട്ടറിയേറ്റ് യോഗത്തിലാണ് ചലച്ചിത്ര അക്കാദമി ചെയര്മാനായി രഞ്ജിത്തിനെ പരിഗണിക്കാന് തീരുമാനമായത്.
ചലച്ചിത്ര അക്കാദമിയില് രഞ്ജിത്തിനെയും സംഗീത നാടക അക്കാദമിയില് ഗായകന് എം.ജി. ശ്രീകുമാറിനെയും ചെയര്മാന്മാരാക്കാന് സി.പി.എം. സംസ്ഥാന സെക്രട്ടേറിയറ്റ് തീരുമാനിച്ചിരുന്നെങ്കിലും സര്ക്കാര് തീരുമാനം വന്നിരുന്നില്ല.
നടി കെ.പി.എ.സി ലളിതയാണ് നിലവില് സംഗീത നാടക അക്കാദമി ചെയര്പേഴ്സണ്.
സാഹിത്യ അക്കാദമി ഉള്പ്പെടെ മറ്റു സാംസ്കാരിക സ്ഥാപനങ്ങളിലെ മാറ്റം സംബന്ധിച്ച തീരുമാനം വരുംദിവസങ്ങളില് ഉണ്ടാകും.
Online PR - CinemaNewsAgency.Com