സി എന്‍ എ-
കൊച്ചി:
ആക്ഷനും റൊമാന്‍സിനും പ്രാധാന്യം നല്‍കിക്കൊണ്ട്, എസ്. ജെ. സിനുവിന്റെ സംവിധാനത്തില്‍ ആഫ്രിക്കന്‍ രാജ്യമായ ജിബൂട്ടിയിലെ മലയാളി വ്യവസായി ജോബി പി. സാം നിര്‍മ്മിച്ച്, അമിത് ചക്കാലക്കല്‍ നായകനാവുന്ന 'ജിബൂട്ടി' ഡിസംബര്‍ 31 ന് ഗുഡ്‌വില്‍ എന്റര്‍ടേയിന്‍മെന്റ്‌സ് ലോകമെമ്പാടുമുള്ള തിയെറ്ററുകളില്‍ റിലീസ് ചെയ്യും.
ചിത്രത്തിന്റെ സംവിധായകന്‍ എസ്. ജെ. സിനു തന്നെയാണ് ഈ വാര്‍ത്ത തന്റെ ഫേസ്ബുക്കിലൂടെ പുറത്തുവിട്ടത്.
ബ്ലൂഹില്‍ നെയ്ല്‍ കമ്മ്യൂണിക്കേഷന്റെ ബാനറില്‍ പ്രണയത്തിനും ആക്ഷനും പ്രാധാന്യം നല്‍കിക്കൊണ്ടുള്ള ഈ ചിത്രത്തിന്റെ ഭൂരിഭാഗവും ആഫ്രിക്കന്‍ രാജ്യമായ ജിബൂട്ടിയിലാണ് ചിത്രീകരിച്ചിരിക്കുന്നത്.
ചിത്രത്തില്‍ വൈല്‍ഡ് ആന്‍ഡ് റോ ആക്ഷനുകളാണ് ചിത്രീകരിച്ചിരുന്നത്. കൂടാതെ ജിബൂട്ടിയുടെ സൗന്ദര്യം പ്രേക്ഷകരിലേക്ക് എത്തിക്കുന്ന ചിത്രം കൂടിയായിരിക്കും തങ്ങളുടേതെന്നാണ് അണിയറപ്രവര്‍ത്തകര്‍ അവകാശപ്പെടുന്നത്.
കൈതപ്രം ദാമോദരന്‍ നമ്പൂതിരി, വിനായക് ശശികുമാര്‍ എന്നിവരുടെ വരികള്‍ക്ക് ദീപക് ദേവ് സംഗീതം നല്‍കുന്നു. തിരക്കഥ, സംഭാഷണം- അഫ്‌സല്‍ അബ്ദുള്‍ ലത്തീഫ് & എസ്. ജെ. സിനു, ചിത്രസംയോജനം- സംജിത് മുഹമ്മദ്, ഛായാഗ്രഹണം- ടി.ഡി. ശ്രീനിവാസ്, എക്‌സിക്യൂട്ടീവ് പ്രൊഡ്യൂസര്- തോമസ് പി.മാത്യു, ആര്‍ട്ട്- സാബു മോഹന്‍, പ്രൊഡക്ഷന് കണ്ട്രോളര്- സഞ്ജയ് പടിയൂര്‍, കോസ്റ്റ്യൂം- ശരണ്യ ജീബു, സ്റ്റില്‍സ്- രാംദാസ് മാത്തൂര്‍, സ്റ്റണ്ട്‌സ്- വിക്കി മാസ്റ്റര്‍, റണ്‍ രവി, മാഫിയ ശശി. ഡിസൈന്‍സ്- മനു ഡാവന്‍സി.
വാര്‍ത്ത പ്രചരണം- എം.എം. കമ്മത്ത്
Online PR - CinemaNewsAgency.Com
