CNA
കൊച്ചി:
നടി ഐശ്വര്യ രാജേഷ് പ്രധാന കഥാപാത്രത്തില്‍ എത്തുന്ന ഏറ്റവും പുതിയ ചിത്രം 'ഡ്രൈവര്‍ ജമുന'യുടെ ട്രെയ്‌ലര്‍ പുറത്തിറങ്ങി.
ചിത്രത്തില്‍ ഒരു മുഴുനീള ഡ്രൈവറുടെ വേഷത്തില്‍ ആണ് ഐശ്വര്യ എത്തുന്നത്.
ചിത്രത്തിന്റെ ട്രെയ്‌ലറിന് പ്രശംസനീയമായ പ്രതികരണമാണ് കിട്ടികൊണ്ടിരിക്കുന്നത്.
ഒരു ഔട്ട് ആന്‍ഡ് ഔട്ട് റോഡ് മൂവി ആയിട്ട് ഒരുങ്ങുന്ന ഈ ചിത്രം ഒരു വനിതാ ക്യാബ് ഡ്രൈവറുടെ ഒരു ദിവസത്തില്‍ സംഭവിക്കുന്ന നാടകീയ സംഭവങ്ങളെ ചുറ്റിപ്പറ്റിയാണ് പറയുന്നത്. കിന്‍സ്ലിന്‍ സംവിധാനം ചെയ്യുന്ന ഈ ചിത്രം 18 റീല്‍സിന്റെ ബാനറില്‍ എസ്പി ചൗത്താരിയാണ് നിര്‍മ്മിക്കുന്നത്. തമിഴിന് പുറമെ തെലുങ്ക്, മലയാളം, കന്നഡ തുടങ്ങിയ ഭാഷകളില്‍ പുറത്തിറങ്ങും.
ഐശ്വര്യയെ കൂടാതെ, ഈ ചിത്രത്തില്‍ 'ആടുകളം' നരേന്‍, ശ്രീരഞ്ജനി, അഭിഷേക്, 'രാജാ റാണി' ഫെയിം പാണ്ഡ്യന്‍, കവിതാ ഭാരതി, പാണ്ടി, മണികണ്ഠന്‍, രാജേഷ്, തുടങ്ങി നിരവധി താരങ്ങള്‍ അണിനിരക്കുന്നു.
ഗോകുല്‍ ബിനോയ് ആണ് ഛായാഗ്രഹണം, ജിബ്രാന്‍ സംഗീതവും, ഡോണ്‍ ബാല കലാസംവിധാനവും ആര്‍ രാമര്‍ എഡിറ്റിംഗും നിര്‍വ്വഹിക്കുന്നു.
പി ആര്‍ ഒ- ശബരി, യുവരാജ്.
Online PR - CinemaNewsAgency.Com
