എംഎം കമ്മത്ത്
കൊച്ചി:
'വെള്ളിമൂങ്ങ', 'മുന്തിരിവള്ളികള് തളിര്ക്കുമ്പോള്', 'ആദ്യരാത്രി' എന്നീ ചിത്രങ്ങള്ക്കു ശേഷം ജിബു ജേക്കബ് സംവിധാനം ചെയ്യുന്ന ചിത്രമാണ് 'എല്ലാം ശരിയാകും'.
ചിത്രം ജൂണില് റിലീസ് ചെയ്യും. രജിഷ വിജയനാണ് ചിത്രത്തിലെ നായിക.
ചിത്രത്തിന്റെ തിരക്കഥ, സംഭാഷണം ഷാരിസ് മുഹമ്മദ് എഴുതുന്നു.
കേരള നിയമസഭ തെരഞ്ഞെടുപ്പില് വലിയ വിജയം സ്വന്തമാക്കിയ ഇടതുപക്ഷത്തിന് ആശംസ അറിയിച്ചുകൊണ്ട് കഴിഞ്ഞ ദിവസം പുതിയ പോസ്റ്റര് അണിയറപ്രവര്ത്തകര് പുറത്തുവിട്ടിരുന്നു.
ഇടത് ചിന്താഗതിക്കാരനായ രാഷ്ട്രീയ പ്രവര്ത്തകന്റെ വേഷമാണ് ചിത്രത്തില് ആസിഫ് അലി ചെയ്യുന്നതെന്നാണ് പുറത്തുവിട്ട പുതിയ പോസ്റ്ററിലൂടെ ലഭിക്കുന്ന സൂചന. പ്രചാരണം വാഹനത്തില് രക്തഹാരങ്ങള് അണിഞ്ഞ കൈ വീശിക്കാണിക്കുന്ന ആസിഫ് അലിയാണ് പോസ്റ്ററിലുള്ളത്.
സിദ്ദിഖ്, കലാഭവന് ഷാജോണ്, സുധീര് കരമന, ജോണി ആന്റണി, ജെയിംസ് ഏല്യ, ജോര്ഡി പൂഞ്ഞാര്, സേതുലക്ഷ്മി, മഹാനദി ഫെയിം തുളസി തുടങ്ങിയലവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.
തോമസ്സ് തിരുവല്ല ഫിലിംസ്, ഡോക്ടര് പോള്സ് എന്റര്ടെയ്ന്മെന്റ് എന്നിവയുടെ ബാനറില് തോമസ് തിരുവല്ല, ഡോക്ടര് പോള് വര്ഗ്ഗീസ് എന്നിവര് ചേര്ന്ന് നിര്മ്മിക്കുന്ന ഈ ചിത്രത്തിന്റെ ഛായാഗ്രഹണം ശ്രീജിത്ത് നായര് നിര്വ്വഹിക്കുന്നു. ബി കെ ഹരിനാരായണന് എഴുതിയ വരികള്ക്ക് ഔസേപ്പച്ചന് സംഗീതം പകരുന്നു.
എഡിറ്റര്- സൂരജ് ഇ എസ്, പ്രൊഡക്ഷന് കണ്ട്രോളര്- മനോജ് പൂങ്കുന്നം, കല- ദിലീപ് നാഥ്, മേക്കപ്പ്- റഹീം കൊടുങ്ങല്ലൂര്, വസ്ത്രാലങ്കാരം- നിസ്സാര് റഹ്മത്ത്, സ്റ്റില്സ്- ലിബിസണ് ഗോപി, ഡിസൈന്- റോസ് മേരി ലിലു, അസോസിയേറ്റ് ഡയറക്ടര്- രാജേഷ് ഭാസ്ക്കര്, ഡിബിന് ദേവ്, അസിസ്റ്റന്റ് ഡയറക്ടര്- ഷാബില്, സിന്റോ സണ്ണി, പ്രൊഡക്ഷന് എക്സിക്യൂട്ടീവ്- ഉണ്ണി പൂങ്കുന്നം, ഷിന്റോ ഇരിങ്ങാലക്കുട, പ്രൊഡക്ഷന് മാനേജര്- അനീഷ് നന്ദിപുലം.
സെന്ട്രല് പിക്ച്ചേഴ്സ് റിലീസ് 'എല്ലാം ശരിയാകും' തിയ്യേറ്ററിലെത്തിക്കും. വാര്ത്ത പ്രചരണം- എ എസ് ദിനേശ്.
Online PR - CNA.