Editor- MM Kamath
കാഞ്ഞങ്ങാട്:
ഏറെ കാലത്തിനു ശേഷം പൂര്ണമായും ഭക്തിസാന്ദ്രമായ ഏഴ് ശ്രീകൃഷ്ണ ഭക്തി ഗാനങ്ങള് ഒരുക്കിക്കൊണ്ട് 'എന്റെ കൃഷ്ണ്ണാ' എന്ന പേരില് ഭക്തിഗാന ആല്ബം അണിയറയില് ഒരുങ്ങുന്നു.
വിജയദശമി നാളില് ഗാനങ്ങളുടെ കമ്പോസിംഗ് വൈഖരി സ്റ്റുഡിയോയില് വെച്ച് നടന്നു.
പ്രതിഭാധനരായ ശ്രീകുമാരന് തമ്പി, പത്മശ്രീ കൈതപ്രം ദാമോദരന് നമ്പൂതിരി, എന്നിവരോടൊപ്പം പുതിയ തലമുറയില്പെട്ട യുവ ഗാനരചയിതാവ് ശ്രീ പ്രമോദ് കാപ്പാട് എന്നിവരുടെ വരികള്ക്ക് സംഗീതം നല്കി പാട്ടുകള് ഒരുക്കുന്നത് പ്രശസ്ത സംഗീതജ്ഞനായ സംഗീത കുലപതി സംഗീത രത്നം ഡോ. കാഞ്ഞങ്ങാട് രാമചന്ദ്രന് മാസ്റ്റര് ആണ്.
'എന്റെ കൃഷ്ണ്ണാ' എന്നാ ഈ ആല്ബത്തിലെ മനോഹരമായ ഗാനങ്ങള് ആലപിക്കുന്നത് മലയാള ഗാന ശാഖയിലെ ഏറെ പ്രശസ്ത ഗായകരായ, ശ്രീ ഉണ്ണി മേനോന്, ശ്രീ ജി വേണുഗോപാല്, ശ്രീ മധു ബാലകൃഷ്ണന്, ശ്രീ അഭിജിത്ത് കൊല്ലം തുടങ്ങിയവരാണ്.
ശ്രീ മൂകാംബിക കമ്മ്യൂണിക്കേഷന്സ് ബാനറില് ഒരുങ്ങുന്ന ഭക്തിസാന്ദ്രമായ 'എന്റെ കൃഷ്ണ്ണാ' ജനുവരി ആദ്യം പ്രേക്ഷകരിലേക്ക് എത്തും.