CNA
തിരു:
സിനിമാ സംഘടനയാ ഫെഡറേഷന് ഓഫ് ഗ്ലോബല് ഫിലിം മേക്കേഴ്സിന്റെ (FGFM) ആനിമേറ്റഡ് ലോഗോ പ്രകാശനം കേരളത്തിന്റെബഹു. മുന്മുഖ്യമന്ത്രി ഉമ്മന് ചാണ്ടി അവര്കള് നിര്വ്വഹിച്ചു.
പുതുപ്പള്ളി ഹൗസില് വെച്ച് നടന്ന ചടങ്ങില് FGFM ചെയര്മാന് എസ് ഷിബു മാസ്റ്റര്, സ്റ്റേറ്റ് എക്സിക്യൂട്ടീവ് കമ്മിറ്റി അംഗം സുകേഷ് വിനായക്, മറ്റുള്ള വിവിധ കലാ സാംസ്കാരിക നേതാക്കള് പങ്കെടുത്തു.
FGFM സ്റ്റേറ്റ് ജനറല് സെക്രട്ടറി പ്രശാന്ത് വട്ടപ്പറമ്പില്, സ്റ്റേറ്റ് മീഡിയ ഹെഡ് പ്രശീദ് കളരിക്കല്, സ്റ്റേറ്റ് വിമന്സ് ഹെഡ് അനു ജിജി, സ്റ്റേറ്റ് ക്രിയേറ്റീവ് ഹെഡ് മുഹമ്മദ് ശഹാബുദീന്, സ്റ്റേറ്റ് അഡ്മിനിസ്ട്രറ്റീവ് ഹെഡ് ശനൂപ്, എന്നിവര് സംഘടനയുടെ പേരിലുള്ള നന്ദി അറിയിച്ചു.
സൗത്തിന്ത്യന് മേഖലകളില് പടര്ന്നു പന്തലിച്ചു കൊണ്ടിരിക്കുന്ന സിനിമാ സംഘടനയാണ് 'ഫെഡറേഷന് ഓഫ് ഗ്ലോബല് ഫിലിം മേക്കേഴ്സ്'(FGFM).
2012 ഫെബ്രുവരി 12ല് കേരളത്തിന്റെ തലസ്ഥാന നഗരമായ തിരുവനന്തപുരത്ത് പുതുവല് പുത്തന് വീട് എന്ന തീരപ്രദേശത്താണ് ഈ സംഘടന രൂപം കൊണ്ടത്.
ഇതേ ദിവസം സംഘടനയുടെ സ്ഥാപകദിനം ആയി ആചരിച്ചു പോകുന്നു.
പ്രാരംഭത്തില് നാടകക്കളരി ആയി ആരംഭിച്ച സംഘടന കാലത്തിനൊപ്പം പരിണമിച്ച് സിനിമാ സംഘടനയായി മാറുകയായിരുന്നു. സംഘടനയുടെ നിയമ സാധ്യത വര്ദ്ധിപ്പിക്കുന്നതിനായി 2020 നവംബര് 16ന് കേന്ദ്രീകൃതസംയുക്തഭരണ വ്യവസ്ഥയില് സംഘടന രജിസ്റ്റര് ചെയ്തു.
കേരളത്തിലെ എല്ലാ ജില്ലകളിലും ചുരുങ്ങിയ കാലം കൊണ്ടു തന്നെ വേരുകള് സ്ഥാപിക്കാന് FGFM ന് സാധിച്ചു. ഇതിനോടകം ചെറുതും വലുതുമായ ഒട്ടനവധി സിനിമകളിലും, മറ്റു കലാ മേഖലകളിലും വളരെയധികം അവസരങ്ങള് നേടിക്കൊടുക്കാന് ഈ സംഘടനയ്ക്ക് സാധിച്ചു. വളരെ ചുരുങ്ങിയ കാലം കൊണ്ടു തന്നെ കലാ, സാമൂഹികസാംസ്കാരിക മേഖലകളില് മികച്ച പ്രവര്ത്തനങ്ങള് കാഴ്ചവെക്കാന് ഈ സംഘടനയ്ക്ക് സാധിച്ചു എന്നത് FGFM ലെ ഏതൊരു അംഗത്തിനും അഭിമാനം ഉണ്ടാക്കുന്നതാണ്.
'എല്ലാ കലാകാരന്മാരെയും ഒരു കുടക്കീഴില് കൊണ്ടുവരാനും അവരുടെ അവകാശങ്ങള്ക്ക് വേണ്ടി പോരാടാനും, ചൂഷണങ്ങളില് നിന്നും അവരെ സംരക്ഷിക്കാനും, പ്രതിസന്ധികളില് അവര്ക്ക് താങ്ങായി നില്ക്കാനും ഈ സംഘടന എന്നും മുന്നില് നിന്ന് പ്രവര്ത്തിക്കുന്നതാണ്.' എന്ന് സംഘടനാ ഭാരവാഹികള് പറഞ്ഞു.
വാര്ത്ത പ്രചരണം- എം.എം. കമ്മത്ത്
Online PR - CinemaNewsAgency.Com