CNA
കൊച്ചി:
ഫെഫ്ക ആര്‍ട്ട് ഡയറക്ടര്‍സ് യുണിയന്റെ വാര്‍ഷിക പൊതുയോഗം എറണാകുളം കച്ചേരിപ്പടി കാര്‍മല്‍ ഹാളില്‍ വെച്ച് നടന്നു. പൊതുയോഗം ഫെഫ്ക ജനറല്‍ സെക്രട്ടറി ശ്രീ. ബി ഉണ്ണികൃഷ്ണന്‍ ഉദ്ഘാടനം ചെയ്തു, ശ്രീ നിമേഷ് എം താനൂര്‍ സ്വാഗതവും, ശ്രീ എം ബാവ അധ്യക്ഷനുമായിരുന്നു.
മലയാളത്തിലെ കലാസംവിധാന രംഗത്ത് പ്രവര്‍ത്തിച്ചിരുന്ന മുതിര്‍ന്നവരായ മെമ്പര്‍മാരെ വേദിയില്‍ ആദരിക്കുകയുണ്ടായി.അവരുടെ സിനിമാ ജീവിത അനുഭവങ്ങള്‍ പുതിയ തലമുറയ്ക്കായി പങ്കുവെക്കുകയുണ്ടായി. അത് വളര്‍ന്നുവരുന്ന കലാ പ്രവര്‍ത്തകര്‍ക്ക് ഒരു പുതിയ അനുഭവമായി.
കഴിഞ്ഞ വര്‍ഷം കലാ സംവിധാനത്തില്‍ ദേശീയ അവാര്‍ഡ് നേടിയ അനീസ് നാടോടി, സംസ്ഥാന അവാര്‍ഡ് നേടിയ ഗോകുല്‍ദാസ് എന്നിവരെ വേദിയില്‍ ആദ്ധരിച്ചു, കൂടാതെ യൂണിയന്‍ മെമ്പര്‍മാരുടെ മക്കളില്‍ പഠനത്തില്‍ ഉന്നത വിജയം നേടിയവരെയും അനുമോദിച്ചു.
ആര്‍ട്ട് ഡയറക്ടര്‍സ് യൂണിയന്‍ മെമ്പര്‍മാര്‍ക്കായി നടപ്പിലാക്കുന്ന കുടുംബ സാന്ത്വന നിധി, സുകൃതം ആരോഗ്യ സുരക്ഷാ നിധി എന്നീ പദ്ധതികളുടെ ഉദ്ഗാടനവും വേദിയില്‍ വച്ചു നടന്നു. ശ്രീ സതീഷ് ബാബു ചുനക്കര നന്ദിയും പറഞ്ഞു.
Online PR - CinemaNewsAgency.Com
