അഞ്ജു അഷറഫ്-
കൊച്ചി:
തങ്ങളുടെ ആവശ്യങ്ങള് അംഗീകരിക്കാതെ സംസ്ഥാനത്ത് സിനിമ തിയറ്ററുകള് തുറക്കാനാകില്ലെന്ന് ഫിലിം ചേംബര്. സിനിമ മേഖലയിലെ വിവിധ സംഘടനകളുടെ സംയുക്ത യോഗത്തിനു ശേഷമാണ് ഫിലിം ചേംബര് തങ്ങളുടെ നിലപാട് അറിയിച്ചിട്ടുള്ളത്.
വിനോദ നികുതി ഒഴിവാക്കണമെന്നും വൈദ്യുതി ബില്ലില് ഇളവ് അനുവദിക്കണമെന്നും പ്രദര്ശന സമയം മാറ്റണമെന്നുമാണ് ഫിലിം ചേംബറിന്റെ നിലപാട്.
50 ശതമാനം ആളുകളെ പ്രവേശിപ്പിച്ച് തിയേറ്റര് തുറക്കാനാകില്ല.
സിനിമ മേഖലയ്ക്ക് സമഗ്ര പാക്കേജ് നടപ്പാക്കണമെന്നും ഇതുസംബന്ധിച്ച് മുഖ്യമന്ത്രിക്ക് നല്കിയ നിവേദനത്തില് തീരുമാനം ഉണ്ടാകാത്തതിനാലാണ് തീയേറ്ററുകള് തുറക്കാനാകില്ലെന്ന തീരുമാനം കൈകൊണ്ടതെന്നും ചേംബര് ഭാരവാഹികള് വ്യക്തമാക്കി.
ഇളവുകള് നല്കാത്തതില് കഴിഞ്ഞ ദിവസം മുഖ്യമന്ത്രിക്കെതിരെ ഫിലിംചേമ്പര് രംഗത്തെത്തിയിരുന്നു.
ഞങ്ങളുടെആവശ്യങ്ങള് പരിഗണിക്കാമെന്ന് സര്ക്കാര് ഉറപ്പ് നല്കിയിരുന്നെന്നും എന്നാല് മുഖ്യമന്ത്രി വാക്ക് പാലിച്ചില്ലെന്നുമായിരുന്നു സംഘടനയുടെ കുറ്റപ്പെടുത്തല്.