സി എന് എ-
കൊച്ചി:
ബിഗ്ഗ് ജെ ഇന്റര്നാഷണല് ലിമിറ്റഡിന്റെ ബാനറില് ജിന്സ് വര്ഗീസ് നിര്മ്മിച്ച് പ്രശാന്ത് ശശി സംവിധാനം ചെയ്യുന്ന ഗോവിന്ദ് പത്മസൂര്യ ചിത്രം 'ക്രിസ്റ്റഫര് കൊളംബസ്' റിലീസിന് ഒരുങ്ങുന്നു. ചിത്രത്തിന്റെ ഫസ്റ്റ് ലുക്ക് പോസ്റ്റര് നടന് ടോവിനോ തോമസ് തന്റെ ഫേസ്ബുക്ക് പേജിലൂടെ റിലീസ് ചെയ്തിരുന്നു.
ഒരിടവേളയ്ക്ക് ശേഷം മലയാള ചിത്രത്തില് തിരിച്ചെത്തുന്ന ഗോവിന്ദ് പത്മസൂര്യയുടെ അനിയത്തിയായി വേഷം ഇടുന്നത് 'കുമ്പാരീസ്' എന്ന ചിത്രത്തില് നായികയായ് അരങ്ങേറ്റം കുറിച്ച 'റോണാ ജോ' ആണ്. 'ക്യാബിന്', 'സത്യം മാത്രമേ ബോധിപ്പിക്കൂ' എന്നിവ ആണ് റോണയുടെ ഇനി ഇറങ്ങനിരിക്കുന്ന ചിത്രങ്ങള്.
ഫാബിന് വര്ഗീസും പ്രശാന്ത് ശശിയും ചേര്ന്ന് രചന നിര്വ്വഹിക്കുന്ന ചിത്രത്തില് വിദേശ നടന് നീല് ലൂക് ഒരു പ്രധാന വേഷത്തില് എത്തുന്നു.
ക്യാമറ- ജിഷ്ണു K രാജ്, എഡിറ്റര്- അയൂബ് ഘാന്, DI- ലിജു പ്രഭാകര്.
ഒരു മുഴുനീള സസ്പെന്സ് ത്രില്ലര് ആയി ഒരുക്കുന്ന സിനിമയുടെ ചിത്രീകരണം പൂര്ത്തീകരിച്ചിരിക്കുന്നത് തൃശ്ശൂരിലും പരിസര പ്രദേശങ്ങളിലുമായാണ്.
ഇംഗ്ലീഷ്, മലയാളം എന്നീ 2 ഭാഷകളിലായാണ് ചിത്രം പ്രദര്ശനത്തിന് എത്തുക എന്ന് അണിയറ പ്രവര്ത്തകര് അറിയിച്ചു.
Online PR - CNA.