സി എന്‍ എ-
മുംബൈ:
ബോളിവുഡ് താരം ആലിയ ഭട്ടിനെ നായികയാക്കി പ്രശസ്ത ബോളിവുഡ് സംവിധായകന്‍ സഞ്ജയ് ലീല ബാന്‍സാലി സംവിധാനം ചെയ്യുന്ന 'ഗംഗുബായി കാട്ടിയവാടി'എന്ന ചിത്രത്തിന്റെ പ്രദര്‍ശനാനുമതി തടയാന്‍ ഹര്‍ജി.
ഒരുകാലത്ത് മുബൈയിലെ ലൈംഗിക വ്യാപാരം മുഴുവന്‍ നിയന്ത്രിച്ചിരുന്ന ഗംഗുബായി എന്ന സ്ത്രീയുടെ ജീവിതത്തെ അസപദമാക്കി ഒരുക്കുന്ന ചിത്രമാണ് 'ഗംഗുബായി കാട്ടിയവാടി'.
പ്രശസ്ത എഴുത്തുകാരന്‍ ഹുസ്സൈന്‍ സെയ്ദി എഴുതിയ 'ദി മാഫിയ ക്വീന്‍' എന്ന നോവലിലെ ചില ഭാഗങ്ങള്‍ സിനിമയ്ക്ക് പ്രചോദനമായിട്ടുണ്ട്.
ഗംഗുബായിയുടെ മകന്‍ ബാബുജി റാവ്ജി ഷായാണ് ചിത്രത്തിന്റെ പ്രദര്‍ശനാനുമതി തടയണം എന്നാവശ്യപ്പെട്ട്‌കൊണ്ട് കേസ് ഫയല്‍ ചെയ്തിരിക്കുന്നത്.
