സി എന് എ-
ഹൈദരാബാദ്:
പവര്സ്റ്റാര് പവന് കല്യാണിനെ ഇതിഹാസ നായകനാക്കി ക്രിഷ് സംവിധാനം ചെയ്യുന്ന 'ഹരി ഹര വീരമല്ലു' എന്ന ചിത്രത്തിന്റെ ഫസ്റ്റ് ലുക്ക് പോസ്റ്റര് മഹാ ശിവരാത്രി ദിവസം റിലീസായി.
തെലുങ്കിനോടൊപ്പം ഒരേ സമയം മലയാളം, ഹിന്ദി തമിഴ്, കന്നട എന്നി ഭാഷകളിലും റിലീസ് ചെയ്യുന്ന ഈ ചിത്രത്തില് നിധി അഗര്വാള് നായികയാവുന്നു.
ടൈറ്റില് റോളില് പ്രത്യക്ഷപ്പെടുന്ന പവര് കല്യാണിന്റെ രൂപം പൂര്ണ്ണമായും നവോന്മേഷപ്രദമാണ്.
150 കോടി മുടക്കി മെഗാ സൂര്യ പ്രൊഡക്ഷന്സിന്റെ ബാനറില് എ എം രത്ന അവതരിപ്പിക്കുന്ന ഈ ചിത്രത്തിന്റെ ഛായാഗ്രഹണം ജ്ഞാനശേഖര് വി എസ് നിര്വ്വഹിക്കുന്നു.
ഇതിഹാസ വീരകൃത്യത്തിന്റെ കഥയാണിത്. സംവിധായകന് ക്രിഷ് പറയുന്ന ഈ ചിത്രത്തില് പതിനേഴാം നൂറ്റാണ്ടിലെ മുഗള്, ഖുതുബ് ഷാഹിസ് കാലഘട്ടത്തിന്റെ പശ്ചാത്തലമാണ് ഒരുക്കിയിരിക്കുന്നത്.
ചിത്രത്തിന്റെ ഷൂട്ടിംഗിനായി ചാര്മിനാര്, റെഡ് ഫോര്ട്ട്, മച്ചിലിപട്ടണം പോര്ട്ട് തുടങ്ങിയ ഭീമാകാരമായ സെറ്റുകള് തയ്യാറാക്കി ഒരു വിട്ടുവീഴ്ചയുമില്ലാതെയാണ് സിനിമ ചിത്രീകരിച്ചിരിക്കുന്നത്.
'ഹരി ഹര വീരമല്ലു' അതിന്റെ നാല്പത് ശതമാനം ഷൂട്ടിംഗ് പൂര്ത്തിയാക്കിയിട്ടുണ്ട്. ജൂലൈ മാസത്തോടെ ഷൂട്ടിംങ് പൂര്ത്തിയാക്കി പോസ്റ്റ്പ്രൊഡക്ഷന് ജോലികളിലേക്ക് കടക്കുമെന്ന് നിര്മ്മാതാക്കള് പറഞ്ഞു.
എം എം കീരവാണി സംഗീതം പകരുന്നു. നിര്മ്മാണം- എ. ദയാകര് റാവു, സംഭാഷണം- സായ് മാധവ് ബുറ, എഡിറ്റര്- ശ്രവണ്, വിഷ്വല് ഇഫക്റ്റ്- ബെന് ലോക്ക്, പ്രൊഡക്ഷന് ഡിസൈനര്- രാജീവന്, സ്റ്റണ്ട്- രാം-ലക്ഷ്മണ്, ശ്യാം കൗശല്, ദിലീപ് സുബ്ബാരായന്.
2022 സംക്രാന്തി നാളില് 'ഹരി ഹര വീര മല്ലു' പ്രദര്ശനത്തിനെത്തിക്കുന്നു. വാര്ത്ത പ്രചരണം- എ എസ് ദിനേശ്.
Online PR - CNA.