CNA
പാലാ:
'ജോര്ജുകുട്ടി കെയര് ഓഫ് ജോര്ജുകുട്ടി', 'ഇന്ദ്രപ്രസ്ഥം', 'ഊട്ടി പട്ടണം', 'കാട്ടിലെതടി തേവരുടെ ആന' തുടങ്ങിയ മികച്ച സിനിമകളിലൂടെ ശ്രദ്ധേയനായ ഹരിദാസ് സംവിധാനം ചെയ്യുന്ന ചിത്രത്തിന്റെ ചിത്രീകരണം മാര്ച്ച് മുപ്പത്തിയൊന്ന് വെള്ളിയാഴ്ച്ച പാലാക്കടുത്തുള്ള രാമപുരം ആല്ഡ്രിന് നെല്ലോല ബംഗ്ളാവില് ആരംഭിച്ചു.
വണ് ഡേ ഫിലിംസിന്റെ ബാനറില് ബിജു വി. മത്തായിയാണ് ഈ ചിത്രം നിര്മ്മിക്കുന്നത്.
സംസ്ഥാന സഹകരണ വകുപ്പുമന്ത്രി വി.എന്. വാസവന് ഭദ്രദീപം തെളിയിച്ചതോടെയാണ് ചിത്രീകരണത്തിന് തുടക്കമായത്.
നിര്മ്മാതാവ് ബിജു വി. മത്തായി സ്വിച്ചോണ് കര്മ്മവും റാഫി ഫസ്റ്റ് ക്ലാപ്പും നല്കി.
തൊഴില് രംഗത്ത് കൃത്യമായ അജണ്ടയുള്ള, ഒരു മോഷ്ടാവ് ഒരു യുവ രാഷ്ട്രീയ ജീവിതത്തില് എത്തപ്പെടുന്നതോടെയുണ്ടാകുന്ന സംഭവങ്ങളുടെ അത്യന്തം രസകരമായ ചലച്ചിത്രാവിഷ്ക്കാരണമാണ് ഈ ചിത്രം.
പൂര്ണ്ണമായും ഒരു കോമഡി ത്രില്ലര് എന്നു തന്നെ ഈ ചിത്രത്തെ വിശേഷിപ്പിക്കാം.
ഇവിടെ മോഷ്ടാവിനെ യുവനിരയിലെ ശ്രദ്ധേയനായ നടന് വിഷ്ണു ഉണ്ണികൃഷ്ണനും യുവ രാഷ്ട്രീയ നേതാവിനെ ഷൈന് ടോം ചാക്കോയും അവതരിപ്പിക്കുന്നു.
അജു വര്ഗീസാണ് മറ്റൊരു പ്രധാന കഥാപാത്രത്തെ അവതരിപ്പിക്കുന്നത്. സ്നേഹാ ബാബു, പവിത്രാ ഷ്മണ് എന്നിവരും നിരവധി പുതുമുഖങ്ങളും ഈ ചിത്രത്തില് അണിനിരക്കുന്നു.
റാഫിയുടേതാണ് തിരക്കഥ. വിനായക് ശശികുമാറിന്റെ വരികള്ക്ക് ശ്രീനാഥ് ശിവ ശങ്കരന് ഈണം പകര്ന്നിരിക്കുന്നു.
വിഷ്ണു നാരായണന് ഛായാഗ്രഹണവും വി. സാജന് എഡിറ്റിംഗും നിര്വ്വഹിക്കുന്നു.
കലാസംവിധാനം- സുജിത് രാഘവ്, മക്കപ്പ്- വൈശാഖ് കലാമണ്ഡലം, കോസ്റ്റ്യൂം ഡിസൈന്- ഇര്ഷാദ് ചെറുകുന്ന്, ചീഫ് അസ്റ്റോസ്സിയേറ്റ് ഡയറക്ടര്- റിയാസ് ബഷീര്, ക്രിയേറ്റീവ് ഡയറക്ടര്- രാജീവ് ഷെട്ടി, കോ-ഡയറക്ടര്- ഋഷി ഹരിദാസ്, പ്രൊഡക്ഷന് മാനേജര്- ഷാജി കോഴിക്കോട്, പ്രൊഡക്ഷന് എക്സിക്കുട്ടീവ്- പ്രവീണ് എടവണ്ണപ്പാറ, പ്രൊഡക്ഷന് കണ്ടോളര്- ഡിക്സന് പൊടുത്താസ്.
കൊച്ചി, പാലാ എന്നിവിടങ്ങളിലായി ഈ ചിത്രത്തിന്റെ ചിത്രീകരണം പൂര്ത്തിയാകും.
- വാഴൂര് ജോസ്.
ഫോട്ടോ- മോഹന് സുരഭി.
Online PR - CinemaNewsAgency.Com