Editor- MM Kamath
തിരു:
ഏറെ പുതുമകളും അതിലേറെ കൗതുകങ്ങളുമായി മലയാളത്തില് ഒരു പുതിയ സിനിമ ഒരുങ്ങുന്നു. ചാനല് ഫൈവ്ന്റെ ബാനറില് ശ്രീലാല് ദേവരാജ് നിര്മ്മിക്കുന്ന 'ഹെഡ്മാസ്റ്റര്'.
മലയാള സിനിമാ ലോകത്തെ മൂന്ന് തലമുറകള് 'ഹെഡ്മാസ്റ്ററില് ഒത്തുചേരുന്നു.
75 വയസ്സ് പിന്നിട്ടിട്ടും ഇന്നും ശബ്ദത്തില് ആര്ദ്ര പ്രണയത്തിന്റെ മധുരം സൂക്ഷിക്കുന്ന മലയാളത്തിന്റെ ഭാവ ഗായകന് ജയചന്ദ്രന്. തനതു നാടകങ്ങളുടെയും സംഗീതത്തിന്റെയും ആചാര്യന് കാവാലം നാരായണ പണിക്കരുടെ മകന് കാവാലം ശ്രീകുമാര്. പിന്നെ പുതിയ തലമുറയിലെ പുതുശബ്ദമായ നിത്യ മാമ്മന്.
കഴിഞ്ഞ തലമുറയിലെ അധ്യാപകരുടെ ദുരിത ജീവിതങ്ങളുടെ നേര്ക്കാഴ്ചയാണ് 'ഹെഡ്മാസ്റ്റര്'.
വ്യത്യസ്തമായ വേഷങ്ങള് ചെയ്ത് ഏറെ ശ്രദ്ധ നേടിയ സഹോദരങ്ങളായ ബാബു ആന്റണിയും തമ്പി ആന്റണിയും ഈ ചിത്രത്തില് ഒന്നിച്ചെത്തുന്നു എന്ന പ്രത്യേകതയും ഈ ചിത്രത്തിനുണ്ട്.
വിധിയോട് തോറ്റുപോയ പ്രധാന അധ്യാപകനായി തമ്പി ആന്റണിയും, അധ്യാപകന്റെ മകനായി ബാബു ആന്റണിയും അഭിനയിക്കുന്നു.
സഞ്ജു ശിവറാം, മഞ്ജു പിള്ള, ജഗദീഷ്, സുധീര് കരമന, ശങ്കര് രാമകൃഷ്ണന്, കഴക്കൂട്ടം പ്രേകുമാര്, സേതുലക്ഷ്മി, ഗാനരചയിതാവ് രാജീവ് ആലുങ്കലിന്റെ മകനും പ്രമുഖ വ്ളോഗറുമായ ആകാശ് രാജ് എന്നിവരാണ് ചിത്രത്തിലെ മറ്റു താരങ്ങള്.
പ്രശസ്ത ചെറുകഥകൃത്ത് കാരൂറിന്റെ ഏറെ പ്രസിദ്ധമായ പൊതിച്ചോറ് എന്ന ചെറുകഥയുടെ ചലച്ചത്രാവിഷ്ക്കാരമാണ് ഹെഡ്മാസ്റ്റര്.
പ്രശസ്ത കവി പ്രഭാവര്മ്മയുടെ വരികള്ക്ക് കാവാലം ശ്രീകുമാര് സംഗീതം ഒരുക്കുന്നു. കാവാലം ശ്രീകുമാര് സംഗീതം ഒരുക്കുന്ന ആദ്യ സിനിമ കൂടിയാണ് 'ഹെഡ്മാസ്റ്റര്'.
സംഗീത ലോകത്തിലെ തലമുറകളുടെ സംഗമം ഇപ്പോഴേ സിനിമാ ലോകത്തു ചര്ച്ചയായി കഴിഞ്ഞു.
രാജിവ് നാഥ് സംവിധാനം നിര്വ്വഹിക്കുന്ന 'ഹെഡ്മാസ്റ്ററിന്റെ തിരക്കഥ രാജീവ് നാഥും, KB വേണുവും ചേര്ന്ന് എഴുതുന്നു.
ക്യാമറ- പ്രവീണ് പണിക്കര്, എഡിറ്റിംഗ്- ബീന പോള്, വസ്ത്രാലങ്കാരം- തമ്പി ആര്യനാട്, പ്രൊഡക്ഷന് കണ്ട്രോളര്- രാജീവ് കുടപ്പനകുന്ന്, മേക്കപ്പ്- ബിനു കരുമം, പ്രൊഡക്ഷന് എക്സികുട്ടീവ്- രാജന് മണക്കാട്, പി ആര് ഒ- അജയ് തുണ്ടത്തില്.
ജനുവരി 14 ന് തിരുവനന്തപുരത്ത് ഹെഡ്മാസ്റ്ററിന്റെ ചിത്രീകരണം ആരംഭിക്കുന്നു.
Online PR - CinemaNewsAgency.Com