CNA
പയ്യന്നൂര്‍:
ഉത്തര മലബാറിന്റെ പശ്ചാത്തലത്തിലൂടെ പ്രേക്ഷകരെ ഏറെ വിസ്മയിപ്പിച്ചു സംവിധായകനാണ് രതീഷ് ബാലകൃഷ്ണ പൊതുവാള്‍ -
സുരാജ് വെഞ്ഞാറമൂടിന് ഏറെ അംഗീകാരവും പ്രശസ്തിയും നേടിക്കൊടുത്ത 'ആന്‍ഡ്രോയിഡ് കുഞ്ഞപ്പന്‍', കുഞ്ചാക്കോ ബോബന്റെ അഭിനയ ജീവിതത്തിലെ ഏറ്റവും വലിയ വഴിത്തിരിവായ 'ന്നാ താന്‍ കേസ് കോട്' എന്നീ ചിത്രങ്ങള്‍ക്കു ശേഷം രതീഷ് ബാലകൃഷ്ണപ്പൊതുവാള്‍ രചനയും സംവിധാനവും നിര്‍വ്വഹിക്കുന്ന ചിത്രമാണ് സുരേശന്റേയും സുമലതയുടേയും 'ഹൃദയഹാരിയായ പ്രണയ കഥ'.
സില്‍വര്‍ ബേ സ്റ്റുഡിയോസിന്റെ ബാനറില്‍ അജിത് തലാപ്പള്ളി, ഇമ്മാനുവല്‍ ജോസഫ് എന്നിവര്‍ നിര്‍മ്മിക്കുന്ന ഈ ചിത്രത്തിന്റെ ചിത്രീകരണം മെയ് ഇരുപത്തിയൊമ്പത് തിങ്കളാഴ്ച്ച പയ്യന്നൂരില്‍ ആരംഭിച്ചു.
പയ്യന്നൂര്‍ ഗവ. കോളജില്‍ നടന്ന വ്യത്യസ്ഥമായ ചടങ്ങിലൂടെയാണ് ചിത്രീകരണമാരംഭിച്ചത്.
'ന്നാ താന്‍ കേസ് കൊട്' എന്ന ചിത്രത്തിലെ സുരേശനെയും സുമലതയേയും അവതരിപ്പിച്ച് പ്രേക്ഷകരുടെ മനം കവര്‍ന്ന രാജേഷ് മാധവനും, ചിത്രയും ഹാരമണിഞ്ഞ് കടന്നു വരുന്നതോടെയാണ് ചടങ്ങുകള്‍ ആരംഭിച്ചത്.
സ്റ്റേജില്‍ തങ്ങളെ ഒന്നിപ്പിക്കാനായി സംവിധായകന്‍ രതീഷ് ബാലകൃഷ്ണ പൊതുവാളിനെ ക്ഷണിച്ചത് രാജേഷ് മാധവനാണ്. ഇരുവരും സംവിധായകന്റെ കാല്‍തൊട്ട് അനുഗ്രഹം വാങ്ങി. ഇവരാണ് ഈ ചിത്രത്തിലെ കേന്ദ്ര കഥാപാത്രങ്ങള്‍.
'ന്നാ താന്‍ കേസ് കൊട്' എന്ന ചിത്രത്തിലെ അതേ കഥാപാത്രങ്ങളെ കേന്ദ്ര കഥാപാത്രങ്ങളാക്കിയാണ് സംവിധായകനായ രതീഷ് ബാലകൃഷ്ണ പൊതുവാള്‍ ഈ ചിത്രത്തെ അവതരിപ്പിക്കുന്നത്.
തുടര്‍ന്ന് മുന്‍ എം.എല്‍.എമാരായ കെ.പി. കുഞ്ഞിക്കണ്ണന്‍, വി.വി. രാജേഷ്, എന്നിവരും അഡ്വ. പി. സുരേഷ്, ലിസ്റ്റിന്‍ സ്റ്റീഫന്‍, അനൂപ് കണ്ണന്‍, ഇമ്മാനുവല്‍ ജോസഫ്, അജിത് തലപ്പള്ളി, വിവേക് ഹര്‍ഷന്‍, ജെ.കെ, എന്നിവര്‍ ഭദ്രദീപം തെളിയിച്ചു.
ഉത്തരമലബാറിന്റെ സാമൂഹ്യ പശ്ചാത്തലത്തിലൂടെ, അവിടുത്തെ ആചാരാനുഷ്ടാനങ്ങള്‍ക്കും ഏറെ പ്രാധാന്യം നല്‍കി, തികച്ചും റിയലിസ്റ്റിക്കായ ഒരു പ്രണയകഥ അവതരിപ്പിക്കുകയാണ് ഈ ചിത്രത്തിലൂടെ.
സുധീഷ്, ശരത് രവി, ബാബു അന്നൂര്‍, എന്നിവരും ഓഡിയേഷനിലൂടെ കണ്ടെത്തിയ പുതുമുഖങ്ങള്‍, നാടകകലാകാരന്മാര്‍ എന്നിവരും ഈ ചിത്രത്തിലെ അഭിനേതാക്കളാണ്. കൂടാതെ മലയാളത്തിലെ പ്രമുഖ താരങ്ങളും നിര്‍ണ്ണായകമായ വേഷങ്ങളിലെത്തുന്നുണ്ട്.
ഗാനരചന- വൈശാഖ് സുഗുണന്‍, സംഗീതം- ഡോണ്‍ വിന്‍സന്റ്, ഛായാഗ്രഹണം- സബിന്‍ ഊരാളുകണ്ടി, എഡിറ്റിംഗ്- ആകാശ് തോമസ്, ക്രിയേറ്റീവ് ഡയറക്ടര്‍-സുധീഷ് ഗോപിനാഥ്, കലാസംവാധാനം- ജിത്തു സെബാസ്റ്റ്യന്‍, മിഥുന്‍ ചാലിശ്ശേരി.
കോസ്റ്റ്യൂം ഡിസൈന്‍- ലിജി പ്രേമന്‍, സ്‌പെഷ്യല്‍ കോസ്റ്റ്യൂം- സുജിത് സുധാകരന്‍, മേക്കപ്പ്- ലിബിന്‍ മോഹന്‍, ലൈന്‍ പ്രൊഡ്യൂസേര്‍സ്- മനു ടോമി, രാഹുല്‍ നായര്‍.
കോ-പ്രൊഡ്യൂസേര്‍സ്- ജെകെ, രതീഷ് ബാലകൃഷ്ണപ്പാതുവാള്‍, വിവേക് ഹര്‍ഷന്‍.
പ്രൊഡക്ഷന്‍ ഡിസൈനര്‍- കെ.കെ. മുരളീധരന്‍, പ്രൊഡക്ഷന്‍ കണ്‍ട്രോളര്‍- ബിനു മണമ്പൂര്‍.
പയ്യന്നൂരും പരിസരങ്ങളിലുമായി ചിത്രീകരണം പുരോഗമിക്കുന്നു.
- വാഴൂര്‍ ജോസ്.
ഫോട്ടോ- റിഷാജ് മുഹമ്മദ്.
Online PR - CinemaNewsAgency.Com
