CNA
കോഴിക്കോട് :
പ്രശസ്ത ഗസല്‍ ഗായകന്‍ ഷഹബാസ് അമന്‍ പാടി അനശ്വരമാക്കിയ 'ആകാശമായവളേ...' എന്ന ഗാനത്തിലൂടെ ശ്രദ്ധേയനായ നിധീഷ് നടേരിയുടെ പുതിയ പ്രണയഗാനം 'ഹൃദയത്തിലെ ചോപ്പ്' വീഡിയോ ആല്‍ബം റിലീസിന് തയ്യാറെടുക്കുന്നു.
നാടക, ചലച്ചിത്ര നടന്‍ സുധി ബാലുശ്ശേരിയും ശ്രവ്യയുമാണ് മുഖ്യവേഷങ്ങളില്‍ അഭിനയിക്കുന്നത്.
കാവുംവട്ടം വാസുദേവന്‍ സംഗീതം നല്‍കിയ പ്രണയഗാനം കെ.കെ. നിഷാദ് ആലപിക്കുന്നു. കോഴിക്കോട് മീഞ്ചന്ത ആര്‍ട്‌സ് കേളജിലും കാരന്തൂരുമായിട്ടാണ് ചിത്രീകരണം പൂര്‍ത്തിയായത്.
ശ്രീചക്ര മ്യൂസിക് ക്രിയേഷന്‍സ് നിര്‍മിക്കുന്ന മ്യൂസിക് ആല്‍ബം അക്ഷയ് ദിനേശാണ് സംവിധാനം ചെയ്യുന്നത്. നിധീഷ് നടേരി തന്നെയാണ് ദൃശ്യവല്‍ക്കരണം.
ഛായാഗ്രഹണം: സുജയ് ഭാസ്‌കര്‍, ചിത്രസംയോജനം: സച്ചിന്‍ സഹദേവ്, മിക്‌സിംഗ്: പ്രദീപ് കുമാര്‍, ആര്‍ട്ട് & പബ്ലിസിറ്റി ഡിസൈന്‍: എം. കുഞ്ഞാപ്പ, കീസ്: ബിജു തോമസ്, സ്റ്റില്‍സ്: എം.കെ അക്ഷയ്, മേക്കപ്പ്: ഷിജു ഫറോക്ക്, ക്യാമറ അസിസ്റ്റന്റ്: ശരണ്‍, പ്രൊഡക്ഷന് കണ്ട്രോളര്: ബിപിന്‍ കാരന്തൂര്‍, പ്രൊഡക്ഷന് മാനേജര്‍: ഷിഫാന്‍ മുഹമ്മദ്.
വീഡിയോ ആല്‍ബത്തിന്റെ ടീസര്‍ പ്രണയ ദിനത്തില്‍ പുറത്തിറങ്ങിയിരുന്നു. പ്രശസ്ത സംവിധായകരായ ജിയോ ബേബി, പ്രജേഷ് സെന്‍, കവി ശൈലന്‍ എന്നിവരുടെ ഫേസ്ബുക് പേജിലൂടെയാണ് ടീസര്‍ റിലീസ് ചെയ്തത്.
മില്ലേനിയം ഓഡിയോസ് ആണ് 'ഹൃദയത്തിലെ ചോപ്പ്' ആല്‍ബം പ്രേക്ഷകരിലെത്തിക്കുന്നത്.
CLICK HERE TO PLAY THE TEASER
Online PR - CinemaNewsAgency.Com
