സി എന്‍ എ-
പനാജി:
ഗോവയില്‍ നടക്കുന്ന അമ്പത്തിയൊന്നാമത് (ഐ എഫ് എഫ് ഐ) രാജ്യാന്തര ചലച്ചിത്രമേളക്ക് ഇന്ന് തിരിതെളിഞ്ഞു.
കേന്ദ്രമന്ത്രി പ്രകാശ് ജാവദേക്കര്‍ മേള ഉദ്ഘാടനം ചെയ്തു. ഇന്നു മുതല്‍ 24 വരെ ഹൈബ്രിഡ് രീതിയിലാണ് മേള സംഘടിപ്പിച്ചിരിക്കുന്നത്.
നവംബര്‍ മാസത്തില്‍ നടത്തിയിരുന്ന മേള കോവിഡിന്റെ പശ്ചാത്തലത്തിലാണ് ഇത്തവണ നീണ്ടു പോയത്.
2500 ഡെലിഗേറ്റുകള്‍ക്ക് മാത്രമേ പ്രവേശനമുള്ളൂ. മറ്റുള്ളവര്‍ക്ക് ഓണ്‍ലൈനായി സിനിമ കാണാനുള്ള സൗകര്യമൊരക്കിയിട്ടുണ്ട്.
224 സിനിമകളാണ് മേളയില്‍ പ്രദര്‍ശിപ്പിക്കുക. ഉദ്ഘാടന ചിത്രമായി പ്രദര്‍ശ്ശിപ്പിക്കുന്നത് ഡാനിഷ് സംവിധായകന്‍ തോമസ് വിന്റര്‍ബെര്‍ഗിന്റെ 'അനതര്‍ റൗണ്ട്' ആണ്.
മത്സരവിഭാഗത്തില്‍ ഇത്തവണ മലയാളചിത്രങ്ങളില്ല. 23 ഫീച്ചര്‍ സിനിമകളും 20 നോണ്‍ ഫീച്ചര്‍ സിനിമകളുമാണ് പനോരമ വിഭാഗത്തിലുള്ളത്.
അര്‍ജന്റീനയില്‍ നിന്നുള്ള സംവിധായകന്‍ പാബ്ലോ സെസാറാണ് അന്താരാഷ്ട്ര ചിത്രങ്ങളുടെ ജൂറി അധ്യക്ഷന്‍.
പ്രിയദര്‍ശന്‍(ഇന്ത്യ), പ്രസന്ന വിതനഗെ (ശ്രീലങ്ക), അബൂബക്കര്‍ ഷോകി (ഓസ്ട്രിയ), റുബയ്യാത്ത് ഹൊസൈന്‍ (ബംഗ്ലാദേശ്) എന്നിവരാണ് ജൂറി അംഗങ്ങള്‍.
ഉദ്ഘാടന ചിത്രം ഡാനിഷ് സംവിധായകന്‍ തോമസ് വിന്റര്‍ബെര്‍ഗിന്റെ 'Another Round' സമാപന ചിത്രം കിയോഷി കുറസോവയുടെ 'Wife of a Spy' യുമാണ്. ആകെ 14 ചിത്രങ്ങളാണ് മത്സരവിഭാഗത്തിലുള്ളത്. കൃപാല്‍ കലിതയുടെ 'Bridge', സിദ്ധാര്‍ഥ് ത്രിപാഠിയുടെ 'A dog and his man', ഗണേശ് വിനായകന്‍ സംവിധാനം ചെയ്ത 'തേന്‍' എന്നിവയാണ് മത്സര വിഭാഗത്തിലെ ഇന്ത്യന്‍ ചിത്രങ്ങള്‍. ഇത്തവണ മലയാള ചിത്രങ്ങളൊന്നും മത്സര വിഭാഗത്തിലില്ല.
23 ഫീച്ചര്‍ സിനിമകളും 20 നോണ്‍ ഫീച്ചര്‍ സിനിമകളുമാണ് പനോരമ വിഭാഗത്തിലുള്ളത്.
മലയാളത്തില്‍ നിന്ന് അഞ്ച് ഫീച്ചര്‍ ചിത്രങ്ങളും ഒരു നോണ്‍ ഫീച്ചര്‍ ചിത്രവും ഈ പട്ടികയില്‍ ഇടം നേടിയിട്ടുണ്ട്. പ്രദീപ് കാളിപുറം സംവിധാനം ചെയ്ത 'സേഫ്', അന്‍വര്‍ റഷീദിന്റെ ഫഹദ് ഫാസില്‍ ചിത്രം 'ട്രാന്‍സ്', നിസാം ബഷീര്‍ സംവിധാനം ചെയ്ത ആസിഫ് അലി ചിത്രം 'കെട്ട്യോളാണ് എന്റെ മാലാഖ', സിദ്ദിഖ് പരവൂരിന്റെ 'താഹിറ', മുഹമ്മദ് മുസ്തഫ സംവിധാനം ചെയ്ത 'കപ്പേള' എന്നിവയാണ് ഫീച്ചര്‍ വിഭാഗത്തില്‍ മലയാളത്തില്‍ നിന്ന് പനോരമയില്‍ ഇടംനേടിയ ചിത്രങ്ങള്‍.
മറ്റൊരു പ്രധാന സംഭവം സമീപകാലത്ത് ചലച്ചിത്ര മണ്ഡലത്തില്‍ നിന്ന് വിടപറഞ്ഞ പ്രതിഭകള്‍ക്ക് ഗോവ രാജ്യാന്തര ചലച്ചിത്രമേളയില്‍ ആദരം നല്‍കും.
എസ്.പി. ബാലസുബ്രഹ്മണ്യം, ഇര്‍ഫാന്‍ ഖാന്‍, സൗമിത്ര ചാറ്റര്‍ജി, സുശാന്ത് സിംഗ് രജ്പുത്, സരോജ ഖാന്‍, വാജിദ് ഖാന്‍, കുങ്കും, രാഹത് ഇന്‍ഡോറി, ഭാനു അത്തയ്യ തുടങ്ങി ഇന്ത്യന്‍ ചലച്ചിത്ര രംഗത്തെ 42 പ്രതിഭകള്‍ക്കാണ് മേളയില്‍ ആദരം അര്‍പ്പിക്കുന്നത്.
സമാനമായി ലോകസിനിമയിലെ ചാഡ്വിക് ബോസ്മാന്‍, കിര്‍ക്ക് ഡൗഗ്ലസ്, ഒലിവിയ ഡേ ഹാവിലാന്‍ഡ്, അലന്‍ പാര്‍ക്കര്‍ തുടങ്ങി 28 പ്രതിഭകളെ കൂടി അനുസ്മരിക്കും.
എന്നാല്‍ ഈ പട്ടികയില്‍ മലയാള സിനിമയില്‍ നിന്നു ആരുമില്ല.
