അഞ്ജു അഷറഫ്-
കൊച്ചി:
25 മത് ഐഎഫ്എഫ്‌കെ സെക്കന്‍ഡ് എഡിഷന്‍ കൊച്ചി മീഡിയ സെല്‍ ഉദ്ഘാടനം മുന്‍ ഇന്ത്യന്‍ നയതന്ത്രജ്ഞന്‍ വേണു രാജാമണി ഉദ്ഘാടനം ചെയ്തു.
ഇന്ത്യന്‍ എക്‌സ്പ്രസില്‍ നിന്ന് ജീവിതമാരംഭിച്ച താന്‍ രാജ്യത്തിനകത്തും പുറത്തും പത്രപ്രവര്‍ത്തന മേഖലയില്‍ തന്നെയായിരുന്നു കൂടുതല്‍ സമയവും ചെലവിട്ടത്. മുന്‍ രാഷ്ട്രപതി പ്രണബ് മുഖര്‍ജിയുടെ പ്രസ്സ് സെക്രട്ടറിയായി പ്രവര്‍ത്തിക്കാനും സാധിച്ചു. അതുകൊണ്ടുതന്നെ പത്രപ്രവര്‍ത്തന മേഖലയുമായി വളരെ അധികം ബന്ധം സ്ഥാപിക്കാന്‍കഴിഞ്ഞിട്ടുണ്ട്. കൊച്ചിയില്‍ ആരംഭിക്കുന്ന ഐഎഫ്എഫ്‌കെ ചലച്ചിത്രമേള വലിയ പ്രതീക്ഷയാണെന്നും പൊതുജനങ്ങളിലേക്ക് സിനിമ കാണാന്‍ കഴിയാത്തവരിലേക്ക് കൂടി മേളയുടെ നല്ലവശങ്ങള്‍ എത്തിക്കണമെന്നും വേണു രാജാമണി ഉദ്ഘാടനപ്രസംഗത്തില്‍ പറഞ്ഞു.
ചലച്ചിത്ര അക്കാദമി ചെയര്‍മാന്‍ കമല്‍, പ്രോഗ്രാം ജനറല്‍ കണ്‍വീനര്‍ സിബി മലയില്‍, അക്കാദമി സെക്രട്ടറി അജോയ്, ഷിബു ചക്രവര്‍ത്തി, സുന്ദര്‍ദാസ്, ഇസ്മയില്‍ ഹസന്‍, തുടങ്ങിയവര്‍ ചടങ്ങില്‍ പങ്കെടുത്തു.
