സി എന് എ-
കൊച്ചി:
25ആമത് ഇന്റര്നാഷണല് ഫിലിം ഫെസ്റ്റിവല് ഓഫ് കേരള (IFFK)ഈ വര്ഷം തിരുവനന്തപുരം, എറണാകുളം, തലശ്ശേരി, പാലക്കാട് എന്നിടങ്ങളിലായി നാല് എഡിഷനുകളായാണ് നടക്കുന്നത്. കൊച്ചിയില് ഫെബ്രുവരി 17 മുതല് 21 വരെയാണ് മേള നടക്കുക.
ഫെസ്റ്റിവല് കാര്യാലയം എറണാകുളം നോര്ത്തിലുള്ള മാക്ടയുടെ ഓഫീസില് പ്രവര്ത്തനമാരംഭിക്കും. ഫെസ്റ്റിവല് ഓഫീസിന്റെ ഔപചാരിക ഉദ്ഘാടനം ചലച്ചിത്ര സംവിധായകന് ജോഷി ഫെബ്രുവരി 5 ന് രാവിലെ 11മണിക്ക് നിര്വ്വഹിക്കുന്നു.
കോവിഡ് പ്രോട്ടോക്കോള് നിയമങ്ങള് കര്ശനമായി പാലിച്ചുകൊണ്ടായിരിക്കും ഉത്ഘാടനചടങ്ങ് നടക്കുകയെന്ന് ഐ.എഫ്.എഫ്.കെ. പ്രോഗ്രാം കമ്മിറ്റി ചെയര്മാനും മാക്ട ജനറല് സെക്രട്ടറിയുമായ സുന്ദര്ദാസ് അറിയിച്ചു.